'तारक मेहता'ला मिळाले नवे नट्टू काका?; फोटो होतोय व्हायरल

Taarak mehta ka ooltah chashmah: या मालिकेत घनश्याम नायक हे नट्टू काकाची भूमिका साकारत होते.

गेल्या १३ वर्षांपासून प्रेक्षकांचं अवितरतपणे मनोरंजन करणारी मालिका म्हणजे 'तारक मेहता का उल्टा चष्मा' (taarak mehta ka ooltah chashmah). २००८ मध्ये सुरु झालेल्या या मालिकेने प्रेक्षकांच्या मनात हक्काचं स्थान निर्माण केलं आहे. यामध्येच टीआरपीच्या शर्यतीत ही मालिका कायमच टॉप ५ मध्ये असते. त्यावरुन या मालिकेची लोकप्रियता लक्षात येते. या मालिकेतील प्रत्येक कलाकार विशेष लोकप्रिय आहे. मात्र, अलिकडेच या मालिकेत महत्त्वपूर्ण भूमिका साकारणारे नट्टू काका म्हणजेच घनश्याम नायक यांचं निधन झालं. त्यांच्या निधनानंतर सेलिब्रिटींसोबतच प्रेक्षकांवरही शोककळा पसरली होती. मात्र, आता लवकरच या मालिकेत नवे नट्टू काका पाहायला मिळणार आहेत.

'तारक मेहता का उल्टा चष्मा' या मालिकेत प्रत्येक कलाकाराचा वेगळा चाहतावर्ग आहे. तसाच नट्टी काकांचा होता. सतत जेठालालकडे पगार वाढ मागणारे नट्टू काका लोकप्रिय झाले होते. 

'पहिल्याच भेटीत केली शरीरसुखाची मागणी'; 'तारक मेहता' फेम अभिनेत्रीचे बॉयफ्रेंडवर गंभीर आरोप

'तारक मेहता' या मालिकेची लोकप्रियता पाहात आजच्या घडीला या मालिकेच्या नावाचे वा त्यातील कलाकारांच्या नावाचे अनेक फॅन पेज असल्याचं पाहायला मिळतं. यामध्येच एका फॅन पेजवर एका फोटो शेअर करण्यात आला आहे. या फोटोमध्ये दिसत असलेली नवी व्यक्ती नट्टू काका असल्याचं सांगण्यात येत आहे.

व्हायरल होत असलेल्या फोटोमध्ये ही व्यक्ती गढा इलेक्ट्रॉनिक्समध्ये बसलेली दिसत आहे. त्यामुळे हेच नवीन नट्टू काका असल्याचं म्हटलं जात आहे. परंतु, अद्याप मालिकेच्या निर्मात्यांनी किंवा टीम पैकी कोणीही या माहितीला दुजोरा दिलेला नाही. त्यामुळे नवे नट्टू काका कोण हा प्रश्न कायम आहे.

दरम्यान, या मालिकेत घनश्याम नायक हे नट्टू काकाची भूमिका साकारत होते. मात्र, अलिकडेच त्यांचं कर्करोगामुळे निधन झालं. २००८ पासून ते या मालिकेचा भाग होते.