जिवाची होतिया काहिली: दोघांच्या प्रेमात जात येणार आडवी; सनीदाची नवी मालिका 'या' दिवशी प्रेक्षकांच्या भेटीला

Raj Hanchnale: गेल्या काही दिवसांपासून सोनी मराठीवर मराठी मुलगा आणि कानडी मुलगी यांच्या लव्हस्टोरीचा एक प्रोमो व्हायरल होत होता. परंतु, या मालिकेचं नाव गुलदस्त्यात होतं.

तुझ्यात जीव रंगला या मालिकेच्या माध्यमातून प्रकाशझोतात आलेला अभिनेता म्हणजे राज हंचनाळे (Raj Hanchnale). या मालिकेत सनीदा ही भूमिका साकारुन त्याने विशेष लोकप्रियता मिळवली. मात्र, या मालिकेत सहकलाकाराच्या भूमिकेत झळकलेला राज लवकरच एका नव्या कोऱ्या मालिकेत मुख्य भूमिका साकारणार आहे. या मालिकेचं नाव आणि प्रसारीकरणाची तारीख समोर आली आहे.

गेल्या काही दिवसांपासून सोनी मराठीवर मराठी मुलगा आणि कानडी मुलगी यांच्या लव्हस्टोरीचा एक प्रोमो व्हायरल होत होता. परंतु, या मालिकेचं नाव गुलदस्त्यात होतं. त्यामुळे या मालिकेविषयी प्रेक्षकांच्या मनात कमालीची उत्सुकता होती. विशेष म्हणजे आता या मालिकेचं नाव समोर आलं आहे.

राज हंचनाळे याची मुख्य भूमिका असलेल्या या मालिकेत दोन भिन्न प्रांताच्या आणि भाषेच्या व्यक्तींची लव्हस्टोरी पाहायला मिळणार आहे. या मालिकेत राजसोबत अभिनेत्री प्रतीक्षा शिवणकर स्क्रीन शेअर करणार आहे. बहुप्रतिक्षीत ठरलेल्या या मालिकेचं नाव . 'जिवाची होतिया काहिली'  असं असून ही मालिका येत्या १८ जुलैपासून प्रेक्षकांच्या भेटीला येणार आहे.

दरम्यान,  'जिवाची होतिया काहिली' या मालिकेत मराठी आणि कानडी भाषांचा मिलाप होणार आहे. राज अस्सल कोल्हापुरी मुलाची तर प्रतीक्षा कानडी मुलीची भूमिका साकारणार आहे. या मालिकेत राज आणि प्रतीक्षासह विद्याधर जोशी आणि अतुल काळे हे दोन्ही दिग्गज कलाकारही स्क्रीन शेअर करणार आहेत. एका विद्याधर जोशी राजच्या वडिलांची तर, अतुल काळे प्रतीक्षाच्या वडिलांची भूमिका साकारणार आहेत.