Vaibhavi Upadhyay : वैभवीचा कार अपघातात मृत्यू, इन्स्टाग्रामवर शेअर केल्या होत्या ४ वर्ष जुन्या आठवणी

४ वर्ष जुन्या आठवणी तिने शेअर केल्या होत्या आणि आज ती हे जगच सोडून गेली

'साराभाई व्हर्सेस साराभाई' फेम वैभवी उपाध्यायच्या (Vaibhavi Upadhyay) अपघाती मृत्यूने चाहत्यांना धक्का बसला आहे. तिचं वय फक्त ३९ वर्षे होतं. हिमाचल प्रदेशमध्ये तिचा कार अपघात झाला. यावेळी तिच्यासोबत तिचा नवराही होता. तो या अपघातात बचावला. वळण घेत असताना त्यांची कार दरीत कोसळली. वैभवीने काही दिवसांपूर्वीच सोशल मीडियावर एक व्हिडिओ शेअर केला होता.

वैभवीने इन्स्टाग्रामवर हिमाचल प्रदेशातील डोंगरदऱ्या, मंदिर, रस्ते यांचा सुंर नजारा दाखवणारा व्हिडिओ पोस्ट केला होता. ही तिची शेवटची पोस्ट ठरली. हा व्हिडिओ २०१९ चा असल्याचं तिने कॅप्शनमध्ये लिहिलं होतं. ४ वर्ष जुन्या आठवणी तिने शेअर केल्या होत्या आणि आज ती हे जगच सोडून गेली अशा दु:खद प्रतिक्रिया येत आहेत. तिच्या या पोस्टवर सर्व चाहते शोकाकूल झाले आहेत.

View this post on Instagram

A post shared by Vaibhavi Upadhyaya (@vaibhaviupadhyaya)

कसा झाला अपघात ?

वैभवी उपाध्याय आणि तिचा पती हिमाचल प्रदेशमध्ये सुट्ट्यांचा आनंद घेत होते.  एक धोकादायक वळण घेत असताना गाडीवरील नियंत्रण सुटले आणि कार दरीत कोसळली. दरम्यान वैभवीचा जागीच मृत्यू झाला तर तिचा पती आता स्वस्थ आहे. अभिनेत्रीचं पार्थिव मुंबईत आणण्यात येणार आहे.