Wedding Bells! कॉमेडी क्वीन भारती सिंहने बॉयफ्रेडसह गुपचुप केला साखरपुडा

'

;भाभीजी घर पर है' फेम  टीव्ही अभिनेत्री सौम्या टंडन नंतर  कॉमेडियन भारती सिंहनेही गुपचुप साखरपुडा केला असल्याचे कळते आहे.बॉयफ्रेड हर्षसह भारतीने एंडेजमेट केली असल्याचे चर्चा रंगतायेत. मात्र भारतीकडून यांवर कोणत्याही प्रकारचे स्पष्टीकरण देण्यात आलेले नाही.त्यामुळे हर्ष आणि भारती आता लवकरच लग्नबंधनात अडकणारे असल्याचे अजुनीह गुलदस्त्यातच आहे. गेल्या दोन वर्षापासून भारती आणि हर्ष दोघेही एकमेकांना ओळखतात. हर्ष हा लेखक असून त्याने काही कॉमेडी शोजसाठी लेखक म्हणून काम केले आहे.भारती आणि हर्ष यांच्या एंगेजमेंटवेळी दोन्ही कुटुंबियांसह जवळचे मित्रही सहभागी झाले होते. याचवर्षी नोव्हेंबर महिन्यात दोघेही लग्न करणार असल्याचे बोलले जात आहे.दरवेळी भारती हर्षसह फोटो सोशल मीडियावर अपलोड करत असते. त्यामुळ नेटीझन्सकडून भारतीला भन्नाट कमेंटस मिळत असतात. नुकतेच कविता कौशिकही केदारनाथ येथे रोनित बिस्वासह लग्नबंधनात अडकली.सध्या ब-याच टीव्ही अभिनेत्री लग्न करून सेट होवू पाहत आहेत. त्यामुळे भारती कधी लग्न करणार याकडेच सा-यांचे लक्ष लागले आहे.

स्टार वन चॅनलवरील 'द ग्रेट इंडियन लाफ्टर चॅलेंज' या शोची भारती सेकंड रनअरप होती. या शोमुळेच प्रकाश झोतात आलेली भारती नंतर अनेक टीव्ही शोमध्ये कॉमेडी स्कीट आणि होस्ट करताना दिसली.'कॉमेडी सर्कस', 'कॉमेडी नाईट बचाव', 'झलक दिखला जा' 5वा सिझन केला असून 'इंडियाज गॉट टॅलेंट' अशा विविध रिअॅलिटी शोमध्ये झळकली होती.सध्या ती कृष्णा अभिषेकसह 'कॉमेडी नाईटस बचाव ताजा' या शोमधून आपल्या कॉमेडीने रसिकांचे भरघोस मनोरंजन करत आहे. भारती सिंह एक उत्तम कलाकारा कॉमेडी क्विन म्हणूनही ओळखली जाते.त्यामुळे तिचे लाखो चाहते तिच्याशी निगडीत प्रत्येक गोष्ट जाणून घेण्यात उत्सुक असतात. भारतीने साखपुडा केल्याची बातमीही तिच्या चाहत्यांना नक्कीच आनंद देणारी बातमी ठरणार हे मात्र नक्की.