प्रसिद्ध अभिनेत्री अडकली लग्नबंधनात, दिग्दर्शकासह बांधली रेशीमगाठ

'स्वातंत्र्याच्या काठवरती', 'शांतता कोर्ट चालू आहे' अशा नाटकातून अभिनयाचा ठसा उमटविणारी अभिनेत्री प्रेरणा निगडीकरचे दिग्दर्शक स्वप्नील मुरकरसह विवाहसोहळा पार पडला.

गेल्या काही महिन्यात अनेक मराठी सेलिब्रेटी लग्नाच्या बंधनात अडकले आहेत. आपल्या जोडीदारासह अनेकांनी जीवनाची नवी इनिंग सुरू केली. नववर्षाची म्हणजेच २०२१ ची सुरूवातसुद्धा सनई चौघडेनं झाली होती. या वर्षी पार पडणारे लग्नसोहळे थोडे खास होते. कारण सेलिब्रेटींनी अगदी थाटात लग्न न करता साध्यापद्धतीने लग्न करणे पसंत केले. कोरोनाचा वाढता प्रादुर्भाव पाहता अगदी मोजक्याच पाहुणे मंडळींच्या उपस्थितीत लग्नसोहळे पार पडल्याचे पाहायला मिळाले. आगामी काळातही आणखी काही सेलिब्रेटी लग्न करत आयुष्याची नवीन सुरुवात करणार आहेत. दरम्यान अभिनेत्री प्रेरणा निगडीकरने विवाहबंधनात अडकली आहे. 

'स्वातंत्र्याच्या काठवरती', 'शांतता कोर्ट चालू आहे' अशा नाटकातून अभिनयाचा ठसा उमटविणारी अभिनेत्री प्रेरणा निगडीकरचे दिग्दर्शक स्वप्नील मुरकरसह विवाहसोहळा पार पडला. या लग्नसोहळ्यात मोजकेच नातेवाईक उपस्थित होते. सोशल मीडियावर त्यांच्या लग्नातल्या खास क्षणांचे फोटो चाहत्यांसह शेअर केले आहेत. 

 

सोनी मराठी वाहिनीवर 'आठशे खिडक्या नऊशे दारं' ही मालिका हिट ठरली होती या मालिकेचे दिग्दर्शन स्वतः स्वप्नीलने केले होते. मालिका क्षेत्रात स्वप्निलने आपला दिग्दर्शनाचा ठसा उमटवला आहे. इंडस्ट्रीत स्वप्नीलने आपली एक वेगळी ओळख निर्माण केली आहे. स्वप्नीलने  ‘लाडाची मी लेक गं’ मालिकेचे त्याने दिग्दर्शन केले होते. रंग माझा वेगळा या लोकप्रिय मालिकेशी तो जोडला गेला आहे.तर प्रेरणाने स्टार प्रवाह या वाहिनीवरील ‘डॉ बाबासाहेब आंबेडकर’ या मालिकेत मामीची भूमिका साकारली होती.

याशिवाय दूरदर्शनवरील ‘भक्तीरंग’ या मालिकेचे सूत्रसंचालन करताना ती झळकली होती.नववधूच्या रुपात प्रेरणाचे फोटो समोर आले आहेत. समोर आलेल्या फोटोत ती खूप सुंदर दिसत आहे.दोघांच्याही रेशीमगाठीत अडकल्याचा आनंद चेहऱ्यावर पाहायला मिळतोय. दोघांनीही जीवनाची नवी इनिंग सुरु केली आहे. या दोघांचे फोटोंवर सारेच नांदा सौख्य भरे अशाच शुभेच्छा देत आहेत.