कोणत्या सिनेमाची भाईजान सलमानला आहे प्रतीक्षा,बिग बॉसच्या घरात करणार का प्रमोशन ?

सध्याचा जमाना मार्केटिंग आणि प्रमोशनचा आहे. त्यामुळे रुपेरी पडद्यावर रिलीज होणा-या सिनेमाचं जोरदार प्रमोशन करण्यात येते. सिनेमाचे कलाकार, दिग्दर्शक ...

स�

��्याचा जमाना मार्केटिंग आणि प्रमोशनचा आहे. त्यामुळे रुपेरी पडद्यावर रिलीज होणा-या सिनेमाचं जोरदार प्रमोशन करण्यात येते. सिनेमाचे कलाकार, दिग्दर्शक निर्माते आपल्या सिनेमाच्या प्रसिद्धीसाठी वाट्टेल ते करायला तयार असतात. गेल्या काही वर्षांपासून सिनेमाच्या प्रमोशनसाठी छोट्या पडद्याचाही वापर होऊ लागला आहे. छोट्या पडद्यावरील मालिकांमध्ये हजेरी लावून आधी कलाकार आपल्या सिनेमाचं प्रमोशन करत असत. मात्र छोटा पडद्यावरील मालिका आणि शो बदलले तसतसे सिनेमांचं छोट्या पडद्यावरील प्रमोशनचा फंडाही बदलला. गेल्या काही वर्षात छोट्या पडद्यावर रियालिटी शो, कॉमेडी शोची धूम आहे. त्यामुळे मालिकांपेक्षा या रियालिटी शो आणि कॉमेडी शोमध्ये हजेरी लावून प्रमोशन करण्याकडे सिनेमाच्या टीमचा कल वाढू लागला आहे. रिअॅलिटी शो बिग बॉससुद्धा याला अपवा नाही. बिग बॉसच्या शोमध्येही सलमानच्या उपस्थितीत आपल्या सिनेमाचं प्रमोशन करण्याचं अनेक दिग्दर्शक, निर्माते आणि कलाकारांचं स्वप्न असतं. त्यामुळे यंदाच्या बिग बॉस-11मध्येही आगामी 3 महिन्यांत विविध सिनेमांचं प्रमोशन होणारच आहे. मात्र भाईजान सलमानला प्रतीक्षा आहे ती जुडवाँ-2च्या सिनेमाच्या टीमची. लवकरच जुडवाँ-2 हा सिनेमा रसिकांच्या भेटीला येणार आहे. डेव्हिड धवन दिग्दर्शित वरुण धवन, जॅकलिन फर्नांडिस आणि तापसी पन्नू स्टारर या सिनेमाची सा-यांनाच उत्सुकता लागली आहे. खुद्द सलमान खानलाही या सिनेमाची उत्सुकता लागली आहे. बिग बॉसच्या घरात जुडवाँ-2 या सिनेमाचं प्रमोशन करु असं सलमानने अकराव्या सीझनच्या लॉन्चिंगच्या वेळी सांगितलं. नव्वदच्या दशकामध्ये आलेल्या सलमान खानच्या प्रसिद्ध जुडवाँ या सिनेमाचा जुडवाँ-2 हा सिक्वेल आहे. त्यामुळे रसिकांसह सलमानलाही याची उत्सुकता लागली आहे. जुडवाँ-2 या सिनेमासोबतच टायगर जिंदा है या सिनेमाचं प्रमोशन बिग बॉसच्या घरात करणार असल्याचे सलमानने जाहीर केले आहे. एक था टायगर या सिनेमाचा पुढचा भाग म्हणजे टायगर जिंदा है हा सिनेमा. यांत सलमान खान आणि कॅटरिना कैफ यांची प्रमुख भूमिका आहे. सध्या या सिनेमाचीही जोरदार चर्चा आहे. त्यामुळे आपल्या सिनेमाचं प्रमोशन करण्याची संधी सलमान कसा सोडेल, नाही का ?

Also Read:सलमान खानसह जॅकलिनचं ‘टन टना टन,चलती है क्या 9 से 12' व्हिडीओ तुम्ही पाहिला का?