कोण होणार ‘Bigg Boss Marathi 3 ’चा विजेता? ‘या’ दिवशी पार पडणार ग्रँड फिनाले

Bigg Boss Marathi 3 :‘बिग बॉस मराठी 3’च्या घरात यावेळी नो एलिमिनेशन मात्र पुढील आठवड्यात डब्बल एलिमिनेशन

‘बिग बॉस मराठी’चा तिसरा सीझन (Bigg Boss Marathi 3 ) अपेक्षेनुसार गाजला. गेल्या 75 दिवसांत बिग बॉसच्या घरात अनेक राडे झालेत, वेगवेगळे टास्क रंगलेत, चावडीवर शाळा भरली, राग, रूसवे, फुगवे, मैत्री, प्रेम अशा सगळ्या भावभावना पाहायला मिळाल्या. आता हा शो अंतिम टप्प्यात आहे. साहजिकच बिग बॉस मराठी 3 चा विजेता कोण होणार, याची उत्सुकता शिगेला पोहोचली आहे. त्यासाठी प्रेक्षकांना 26 डिसेंबरची प्रतीक्षा करावी लागणार आहे.
होय, ‘टाइम ऑफ इंडिया’नं दिलेल्या वृत्तानुसार, येत्या 26 डिसेंबरला ‘बिग बॉस मराठी 3’चा ग्रँड फिनाले होणार आहे. सध्या ग्रँड फिनालेची जोरदार तयारी सुरू असल्याचं कळतंय.

ताज्या माहितीनुसार, यंदा ग्रँड फिनालेमध्ये पे्रक्षकांसाठी एक खास सरप्राईज असणार आहे. होय, पहिल्या दोन सीझनमध्ये पाच स्पर्धक ग्रँड फिनालेपर्यंत पोहोचले होते. मात्र यंदाच्या तिस-या सीझनमध्ये एकूण सहा स्पर्धक ग्रँड फिनालेमध्ये पोहोचणार असल्याची माहिती आहे.

काल ‘बिग बॉस मराठी 3’मधून एकही स्पर्धक बाहेर पडला नाही. पण पुढील आठवड्यात एकाचवेळी दोन स्पर्धक घराबाहेर पडणार आहेत. म्हणजे पुढील आठवड्यात डबल एलिमिनेशन होणार आहे. यामुळे आठपैकी सहा स्पर्धक थेट ग्रँड फिनालेमध्ये पोहोचतील.  पैकी एक ‘बिग बॉस मराठी 3’चा विजेता ठरेल. सध्या घरात विकास पाटील, विशाल निकम, मीनल शाह, सोनाली पाटील, गायत्री दातार, मीरा जगन्नाथ, जय दुधाणे आणि उत्कर्ष शिंदे हे स्पर्धक उरले आहेत. यापैकी विशाल निकम विजेतेपदाचा प्रबळ दावेदार मानला जातोय. अर्थात विजेता कोण होणार हे सरतेशेवटी प्रेक्षकांच्या मतांच्या आधारावर ठरणार आहे.

म्हणून जानेवारीआधी डिसेंबरचा मुहूर्त...
‘बिग बॉस मराठी 3’चा ग्रँड फिनाले जानेवारीच्या पहिल्या आठवड्यात होणार असल्याचं सांगितलं जात होतं. मात्र ओमायक्रॉन संकटाच्या पार्श्वभूमीवर डिसेंबरमध्येच ग्रँड फिनाले करण्याचा निर्णय मेकर्सनी घेतल्याचं कळते.

बिग बॉसच्या जागी नवी मालिका
26 डिसेंबरला ‘बिग बॉस मराठी 3’चा ग्रँड फिनाले झाल्यावर 27 डिसेंबरपासून बिग बॉसच्या जागी नवी मालिका प्रेक्षकांना पाहायला मिळणार आहे. ‘आई मायेचं कवच’ असं या मालिकेचं नाव आहे. अभिनेत्री भार्गवी चिरमुले या मालिकेत मुख्य भूमिकेत दिसणार आहे.