‘तुझ्या माझ्या संसाराला आणि काय हवं’ मालिकेला अभिनेत्रीचा रामराम? चाहते निराश

Tujhya Majhya Sansarala Ani Kaay Hawa :  एकत्र कुटुंब, या कुटुंबीयांचं एकमेकांप्रती असलेलं प्रेम, जिव्हाळा, आपुलकी अशा अंगाने जाणारी ‘तुझ्या माझ्या संसाराला आणि काय हवं’ ही मालिका आता एका वेगळ्या वळणावर आलीये. अशात या मालिकेबद्दल एक मोठी बातमी समोर आलीये.

झी मराठीवर  ‘तुझ्या माझ्या संसाराला आणि काय हवं’ (Tujhya Majhya Sansarala Ani Kaay Hawa ) ही मालिका आली आणि अल्पावधीत लोकप्रिय झाली.  एकत्र कुटुंब, या कुटुंबीयांचं एकमेकांप्रती असलेलं प्रेम, जिव्हाळा, आपुलकी अशा अंगाने जाणारी ही मालिका आता एका वेगळ्या वळणावर आलीये. अशात या मालिकेबद्दल एक मोठी बातमी समोर आलीये.
होय, या मालिकेतील मोठ्याबाईंची भूमिका साकारणाऱ्या अभिनेत्री अंजली जोशी ( Anjali Joshi) यांनी ही मालिका सोडल्याचं कळतंय. ‘मराठी सीरिअल्स ऑफिशिअल’ने ही अपडेट दिली आहे.

‘तुझ्या माझ्या संसाराला आणि काय हवं’ मालिकेमुळे अंजली जोशी घराघरात पोहोचल्या. इतक्या की आताश: मोठ्या बाई म्हणूनच त्यांना ओळखलं  जाऊ लागलं होतं. ही भूमिका त्यांनी अतिशय उत्तम साकारली होती.  मात्र आता त्यांनी ही मालिका सोडल्याची माहिती आहे. अर्थात   मालिकेच्या निर्मात्यांनी याबाबत कोणतीही अधिकृत माहिती दिलेली नाही. अंजली यांनी ही मालिका का सोडली, हेही अद्याप गुलदस्त्यात आहे.  

अंजली जोशींनी ही मालिका सोडल्याची बातमी येताच, चाहते निराश झाले आहेत. अनेकांनी अंजली यांनी मालिका का सोडली? असा प्रश्न विचारला आहे. काहींनी स्वत:च याचं उत्तर शोधत मालिकेला ट्रोल करण्याचा प्रयत्नही केला आहे.  बरं झालं मालिका सोडली फालतू मालिका आहे, असं एक युजरने लिहिलं आहे तर  त्यांना कळलं असेल अशा बकवास सिरीयल मध्ये काम न केलेलं बर...अशी कमेंट अन्य एका युजरने केली आहे.

मालिकेत सध्या नवा ट्विस्ट पाहायला मिळतो आहे.  सिद्धार्थचे अमेरिकेला जाण्यासाठी प्रयत्न चालू होते हे  अदिती मोठ्या बाईंना सांगते आणि त्यांना जबरदस्त धक्का बसतो. त्या चक्कर येऊन पडतात. मोठ्याबाईंना धक्का बसल्याचा संपूर्ण दोष सिद्धार्थ व देशमुख कुटुंबातील बायका अदितीला देतात. तिकडे सिद्धार्थही यावरून अदितीला ब्लॅकमेल करण्याचा प्रयत्न करतो. हे सगळे खोटं होतं, असं बाईंना सांग नाहीतर आपण वेगळं होऊ असे दोन पर्याय तो अदितीसमोर ठेवतो. अदिती पहिला पर्याय निवडते आणि स्वत: वाईटपणा घेत, अमेरिकेला जाण्याचा निर्णय तिचा असल्याचं घरच्यांना भासवते.