टायगर श्रॉफच्या "बागी-2" चे पोस्टर रिलीज

By Admin | Published: May 2, 2017 01:57 PM2017-05-02T13:57:59+5:302017-05-02T14:03:43+5:30

बॉलिवूड अभिनेता टायगर श्रॉफ याच्या "बागी-2" या चित्रपटाचे पोस्टर रिलीज करण्यात आले असून हा चित्रपट पुढील वर्षी प्रदर्शित होणार आहे.

Tiger Shroff's "Bagi-2" poster release | टायगर श्रॉफच्या "बागी-2" चे पोस्टर रिलीज

टायगर श्रॉफच्या "बागी-2" चे पोस्टर रिलीज

googlenewsNext
>ऑनलाइन लोकमत
मुंबई, दि. 02 - बॉलिवूड अभिनेता टायगर श्रॉफ याच्या "बागी-2" या चित्रपटाचे पोस्टर रिलीज करण्यात आले असून हा चित्रपट पुढील वर्षी प्रदर्शित होणार आहे. 
"बागी-2" मध्ये अभिनेता टायगर श्रॉफ एका वेगळ्या भूमिकेत दिसणार असून त्यासाठी तो कसून मेहनत करणार असल्याचे समजते. दरम्यान, सध्या टायगर श्रॉफ  "मुन्ना मायकल" या चित्रपटाच्या चित्रिकरणात गुंतलेला असताना मध्येच "बागी-2" ची खबर देऊन त्याने आपल्या चाहत्यांना आश्चर्याचा धक्का दिला आहे. 
बागी चित्रपटाचा "बागी-2" हा सिक्वल असून या चित्रपटाचे पोस्टर टायगर श्रॉफने ट्विट केले आहे. यामध्ये एका व्यक्तीचा  चेहरा दाखविण्यात आला नसून त्याला पाठीमागून दाखविण्यात आले आहे. तसेच, त्याच्या एका हातात बंदुक आहे, तर दुस-या हाताला लाल कापड बांधलेले आहे. हा चित्रपट 27 अप्रिल 2018 मध्ये प्रदर्शित होणार असून चित्रपटाचे दिग्दर्शन अहमद खान करणार आहेत. तर निर्मिती साजिद नडियाडवाला करणार आहे. 
दरम्यान, बागी -2 या चित्रपटामध्ये अभिनेत्री कोण असेल ? याबाबत अद्याप कोणताही खुलासा करण्यात आला नाही. आधीच्या बागीमध्ये टायगर श्रॉफसोबत अभिनेत्री श्रद्धा कपूरने अभिनय साकारला होता.