'मिशन इम्पॉसिबल' फेम टॉम क्रुझच्या हिंदीवर चाहते फिदा, म्हणाला, 'नमस्ते, आप...' Video व्हायरल

टॉम क्रुझचे चाहते जगभर आहेत.

हॉलिवूडचा सुपरस्टार टॉम क्रुझ (Tom Cruise) आगामी 'मिशन इम्पॉसिबल' सिरीजच्या पुढच्या भागात दिसणार आहे. या भागाची चाहते आतुरतेने वाट पाहत आहेत.दरम्यान टॉम क्रुझची एक मुलाखत सध्या सोशल मीडियावर व्हायरल होत आहे. यात तो चक्क हिंदीत बोलताना दिसतोय. तू हिंदीत बोलू शकतो का असं त्याला विचारण्यात आलं त्यावर त्याचं उत्तर आश्चर्यचकित करणारं होतं.

टॉम क्रुझचे चाहते जगभर आहेत. अशी कोणतीच गोष्ट नाही जी तो करु शकत नाही. गेल्या कित्येक वर्षांपासून तो चाहत्यांच्या मनावर अधिराज्य गाजवतोय. भारतातही त्याचे चाहते काही कमी नाहीत. एका व्हिडिओत टॉम क्रुझच्या फ्रेंच भाषेची स्तुती होत आहे. तेव्हा त्याला हिंदीत बोलू शकतो का असे विचारले जाते. त्यावर तो म्हणतो, 'जर तुम्हाला वाटत असेल मी हिंदीत बोलावं तर मी बोलेन.'

Tom Cruise speaking Hindi+classic TC laugh and being totally charming as always 🤌🤌🤌 #TomCruise#MissionImpossiblepic.twitter.com/bIqbF4YVE0

— Tom Cruise News (@TCNews62) July 6, 2023

मुलाखत घेणारी महिला मूळची भारतीय आहे. ती त्याला तिच्यामागे म्हणायला सांगते,'नमस्ते, आप कैसे है?' यावर तो तसंच म्हणून दाखवतो. टॉम क्रुझचे हिंदी उच्चार ऐकून चाहते तर वेडेच झालेत. सोशल मीडियावर त्याची खूप वाहवा होत आहे. त्याच्या आगामी सिनेमात टीमने आतापर्यंतचे सर्वात धोकादायक मिशन शूट केले आहे. 

ख्रिस्तोफर मैकक्वेरी दिग्दर्शित 'मिशन इम्पॉसिबल : डेड रेकनिंग' १२ जुलै रोजी प्रदर्शित होत आहे. तर सिनेमाचा भाग २ पुढील वर्षी 28 जूनला प्रदर्शित होणार आहे.