Video - जबरदस्त! शाहरुखचा जबरा फॅन; 'जवान' पाहण्यासाठी व्हेंटिलेटरसह गाठलं थिएटर

शाहरुख खानबद्दल चाहत्यांमध्ये क्रेझ एवढी आहे की, जवान चित्रपट पाहण्यासाठी एक चाहता थेट व्हेंटिलेटरसह थिएटरमध्ये पोहोचला.

शाहरुख खान स्टारर 'जवान' हा चित्रपटाची सर्वत्र जोरदार चर्चा रंगली आहे. बॉक्स ऑफिसवर यश पाहायला मिळत आहे, तर दुसरीकडे चाहत्यांमध्ये या चित्रपटाची क्रेझ एका वेगळ्याच पातळीवर पोहोचली आहे. शाहरुख खानबद्दल चाहत्यांमध्ये क्रेझ एवढी आहे की, जवान चित्रपट पाहण्यासाठी एक चाहता थेट व्हेंटिलेटरसह थिएटरमध्ये पोहोचला.

सोशल मीडियावर एक व्हिडीओ व्हायरल होत आहे, ज्यामध्ये शाहरुख खानचा हा फॅन चित्रपटाचा आनंद घेताना दिसत आहे.विशेष म्हणजे तो फॅन व्हेंटिलेटरवर आहे. अनीस फारुकी असं या चाहत्याचं नाव आहे. रोहित गुप्ता नावाच्या एका सोशल मीडिया इन्फ्लुएंसरने व्हेंटिलेटरवर असताना चित्रपट पाहायला गेलेल्या या शाहरुख फॅनचा व्हिडिओ शेअर केला आहे. 

IMMENSE RESPECT: Anees farooqi , a physically challenged guy visits to watch #Jawan on Ventilator.. Proud to be a @iamsrk fan.. pic.twitter.com/StXF58obPs

— ℣αɱριя౯ (@SRKsCombatant) September 15, 2023

अनीस गंभीर आजाराने त्रस्त आहे. पण या व्हिडिओमध्ये चित्रपटाच्या अॅक्शन सीनदरम्यान हा चाहता खूप आनंदी असल्याचं दिसून आलं. असाच आणखी एक व्हि़डीओ व्हायरल होत आहे. यात हॉस्पिटलच्या गाऊनमध्ये एक मुलगी 'चलेया'वर नाचताना दिसत आहे. SRK HAS HEALING POWERS असं पोस्टच्या कॅप्शनमध्ये लिहिलं आहे. याव्हिडिओने शाहरुख खानचं लक्ष वेधून घेतल. 

शाहरूखने "हे छान आहे! धन्यवाद, लवकर बरे व्हा आणि चित्रपट पाहा!!! तुम्ही हॉस्पिटलमधून बाहेर आलात की आणखी एका डान्स व्हिडिओची वाट पाहत आहे, तुमच्यावर प्रेम आहे" असं म्हटलं आहे जवान चित्रपटाने अवघ्या 9 दिवसांत 400 कोटींचा टप्पा ओलांडला असून बॉक्स ऑफिसवर तो ब्लॉकबस्टर ठरला आहे.एका हिंदी वेबसाईटने याबाबतचे वृत्त दिले आहे. 

This is very good! Thank u… Get well soon and watch the film!!! Looking forward to another dance video but once you’re out of the hospital…. Love u!! https://t.co/LjzAwSSP6k

— Shah Rukh Khan (@iamsrk) September 14, 2023