Panchayat 3 ची झलक बघायची आहे? 'या' दिवशी रिलीज होणार सीरिजचा ट्रेलर

28 मे रोजी पंचायत 3 रिलीज सीरिज रिलीज होत आहे. पण त्याआधी सीरिजचा ट्रेलर कधी येतोय वाचा.

'पंचायत' सीझन 3 ची सर्वच आतुरतेने वाट पाहत आहेत. या सीरिजने प्रेक्षकांवर छाप पाडलीये. पंचायतच्या दुसऱ्या सिझनचा शेवट जिथे झाला तिथूनच पुढची कथा सीझन 3मध्ये बघायला मिळणार आहे. फुलेरा गावाचे सचिवजी अभिषेक त्रिपाठी यांची बदलीचे आदेश आल्याचं सीझन 3 च्या शेवटी दाखवण्यात आलं होतं. त्यामुळे आता तिसऱ्या भागात फुलेरा गावाला नवा सचिव मिळणार असल्याचं बोललं जातंय. नक्की काय होणार हे 28 मे रोजी कळणारच आहे. पण त्याआधी सीरिजचा ट्रेलर प्रदर्शित होतोय.

कधी येणार 'पंचायत 3' चा ट्रेलर

TVF ओरिजनल  'पंचायत 3' ही सीरिज अॅमेझॉन प्राईमवर काही दिवसातच प्रदर्शित होणार आहे. सगळ्यांचंच लक्ष या सीरिजकडे लागलंय. पण त्याआधी सीरिजच्या ट्रेलरची उत्सुकताही ताणली आहे. सीझन 3 मध्ये नक्की काय असणार याची झलक ट्रेलरमध्ये पाहायला मिळेल. 17 मे रोजी ट्रेलर प्रदर्शित होणार आहे. अॅमेझॉन प्राईमकडून ट्रेलरच्या रिलीज डेटची घोषणा करण्यात आली आहे. अमेझॉनने रिलीज केलेल्या पोस्टरमध्ये सचिवची दिसत नाहीयेत. तर फुलेरा गावातील लोक एकमेकांसमोर लाठ्या घेऊन उभे आहेत.

पंचायत 3 बद्दल बोलताना अभिनेता चंदन रॉय म्हणाला होता की,'तिसऱ्या भागाचा ट्रेलर लवकरच येईल. यामध्ये तुम्हाला गोला, बारुद, शोला , शबनम आणि भरपूर धमाल अनुभवायला मिळणार आहे. दुसऱ्या भागाची कहाणी संपते तिथूनच तिसरा भाग सुरु होणार आहे.