भुवन बामची नवीन सीरिज 'राफ्ता राफ्ता' लवकरच येणार भेटीला, टीझर झाला रिलीज

Rafta Rafta Web Series : सात भागांच्या राफ्ता राफ्ता या रोमॅण्टिक कॉमेडी सीरिजमध्ये भुवन बामसोबत सृष्टी गांगुली रिंदानी झळकणार आहे.

अॅमेझॉन मिनीटीव्हीने राफ्ता राफ्ता (Rafta Rafta Web Series) या मालिकेचा टीझर प्रदर्शित केला आहे. कदाचित सध्याच्या सर्वात मोठ्या ‘डिजिटल सेन्सेशन’मधील एक समजला जाणारा भुवन बाम (Bhuvan Bam) आणि अत्यंत प्रतिभावान सृष्टी गांगुली रिंदानी (Srushti Ganguli Rindani) हे या मालिकेत दिसणार आहेत. टीझरमध्ये करन व नित्या या नवविवाहित जोडप्याच्या आयुष्याची झलक दाखवली आहे. एका नवीन लग्नाच्या कथेतील अनेक पैलू यात जाणवतात. 

नुकत्याच प्रदर्शित झालेल्या या गमतीशीर टीजरमध्ये हे जोडपे नाश्ता करताना एकमेकांच्या सहवासाचा आनंद घेताना दाखवले आहे आणि तेवढ्यात एक ‘कॉमेडी ऑफ एरर्स’ सुरू होते. ही मालिका करन व नित्या या व्यक्तिरेखांसोबतच प्रेक्षकांनाही एका सुखद प्रवासाला घेऊन जाण्यासाठी सज्ज आहे.  हे निरर्थक भांडण करन व नित्याच्या आयुष्याची झलक दाखवते. नित्याला करनसोबत छान वेळ घालवता यावा म्हणून सुटीवर जाण्याची आशा असते, तर वाईट विनोद व विसराळूपणा करून तिला हैराण करून सोडतो. तो त्याची भरपाईही करण्याचा प्रयत्न करतो, पण तेही तिच्या अपेक्षेप्रमाणे नसते! ही ७ भागांची मालिका एका विवाहित जोडप्याच्या दैनंदिन अडचणींमधून जाताना एक खिळवून ठेवणारा, गमतीदार, मजेशीर अनुभव देणार आहे. 

भुवन बाम म्हणाला,  मी एका मध्यमवर्गीय कुटुंबात वाढलो आहे आणि लग्नाकडे बघण्याची धारणा गेल्या काही वर्षांत खूपच बदलली आहे. याला ज्ञात व अज्ञात असे अनेक घटक जबाबदार आहेत. रोमॅण्टिक नाट्य रंगवणारा बराच कॉन्टेंट उपलब्ध असला तरी आम्ही ‘राफ्ता राफ्ता’मध्ये एका आधुनिक लग्नातील बारकावे टिपण्याचा प्रयत्न केला आहे आणि यात एक अनपेक्षित धक्काही आहे! अमेझॉन मिनीटीव्ही आमचा स्ट्रीमिंग पार्टनर आहे याचा आम्हाला खूप आनंद आहे, कारण, त्यामुळे आमचा काँटेण्ट भारतभरातील प्रेक्षकांना मोफत उपलब्ध होणार आहे.”

मी या शोमध्ये भुवनसोबत काम करणार आहे हे जेव्हा मला समजले, तेव्हा मी लगेच तयार झाले. पूर्वी एक काँटेण्ट क्रिएटर म्हणून आणि आता एक अभिनेता म्हणून त्याचे काम मला नेहमीच आवडले आहे. मी या मालिकेसाठी लगेच तयार होण्यामागील दुसरे कारण म्हणजे याची गमतीशीर कथा. ही कथा विवाहित जोडप्याकडे बघण्याचा एक नवीन दृष्टिकोन पडद्यावर आणत आहे. प्रेक्षकांना राफ्ता राफ्ता ही मालिका नक्की आवडेल याची खात्री मला वाटते. अभी तो बस टीजर आउट है, सीरिज बाकी है मेरे दोस्तों!”, असे सृष्टी गांगुली रिंदानी म्हणाली.