सोशल मीडियाचा ‘शेठ माणूस’ विनायक माळीनं खरेदी केली एवढ्या लाखाची मर्सिडीज कार, पाहा तर

Vinayak Mali : कारचा एक व्हिडीओ विनायकने त्याच्या सोशल अकाऊंटवर शेअर केला आहे. ‘घेतली एकदाची’ असं लिहित शेअर केलेल्या या व्हिडीओतील विनायकची कार पाहून तुमचेही डोळे दिपतील. 

आपल्या आगरी भाषेतील व्हिडीओंनी सर्वांना वेड लावणारा विनायक माळी (Vinayak Mali ) आता स्टार झाला आहे. त्याच्या प्रत्येक व्हिडीओला लाखो लाइक्स मिळतात. अगदी त्याचा पुढचा व्हिडीओ कधी येणार, याची चाहते आतुरतेने वाट बघतात. युट्यूबर आणि आगरी कॉमेडियन विनायक माळी याने आता नवी कोरी अलिशान गाडी घेतली आहे. होय, विनायकने अलीकडे मर्सिडीज बेंझ सी क्लास ही अलिशान गाडी खरेदी केली.
या कारचा एक व्हिडीओ विनायकने त्याच्या सोशल अकाऊंटवर शेअर केला आहे. ‘घेतली एकदाची’ असं लिहित शेअर केलेल्या या व्हिडीओतील विनायकची कार पाहून तुमचेही डोळे दिपतील. 

View this post on Instagram

A post shared by Vinayak Mali (@iam_vinayakmali)

त्याने खरेदी केलेल्या या मर्सिडीज बेंझ सी क्लास कारची किंमत 62 लाखांच्या घरात आहे. इतकी महागडी कार आणि तेही इतक्या कमी वयात घेतल्याने  विनायक खºया आयुष्यात देखील शेठ माणूस झाला आहे.
 विनायक माळीचे वडील सरकारी कर्मचारी आहेत. नोकरीच्या निमित्ताने त्याचे वडील ठाण्यात वास्तव्यास असल्यान विनायकचे शालेय आणि महाविद्यालयीन शिक्षण ठाण्यातच झाले. त्याने वकिलीचे शिक्षण घेतले आहे. विनायक माळीने सुरुवातीला युट्यूबवर हिंदी भाषेत व्हिडीओ अपलोड करण्यास सुरुवात केली होती. पण त्याला त्यात अपेक्षित यश मिळालं नाही. त्यामुळे त्याने आगरी भाषेत व्हिडिओ करायला सुरुवात केली. हे व्हिडिओ लोकांनी अल्पावधीत डोक्यावर घेतले.

विनायकला अभिनयासोबत डान्स आणि गाण्याचीही प्रचंड आवड आहे. आपल्या सोशल मीडिया अकाऊंटर तो अनेकदा डान्सचे व्हिडीओ शेअर करत असतो. विनायक माळी युट्यूब व्हिडीओच्या माध्यमातून महिन्याला जवळपास दीड ते दोन लाख रुपये कमवतो. युट्यूबकडून त्याला सिल्वर बटन देखील मिळालेले आहे. विनायकच्या प्रसिद्धीची भुरळ मराठी सेलिब्रिटिना देखील होऊ लागल्याने चित्रपटाच्या प्रमोशनसाठी ते विनायक माळी सोबत व्हिडीओ काढू लागले.