बाबुजींच्या जयंतीनिमित्त २ जुलैला रक्तदान शिबीर

ज्येष्ठ स्वातंत्र्य संग्राम सैनिक तथा लोकमत वृत्तपत्र समूहाचे संस्थापक संपादक स्वर्गीय जवाहरलालजी दर्डा उपाख्य बाबूजी यांच्या जयंतीनिमित्त मंगळवार दि.२ जुलै रोजी जिल्हा सामान्य रूग्णालयाच्या रक्तपेढीत रक्तदान शिबिराचे आयोजन करण्यात आले आहे.

ठळक मुद्देगडचिरोलीत आयोजन। सहभागी व्हा

लोकमत न्यूज नेटवर्कगडचिरोली : ज्येष्ठ स्वातंत्र्य संग्राम सैनिक तथा लोकमत वृत्तपत्र समूहाचे संस्थापक संपादक स्वर्गीय जवाहरलालजी दर्डा उपाख्य बाबूजी यांच्या जयंतीनिमित्त मंगळवार दि.२ जुलै रोजी जिल्हा सामान्य रूग्णालयाच्या रक्तपेढीत रक्तदान शिबिराचे आयोजन करण्यात आले आहे.या शिबिरात जिल्ह्यातील नागरिकांनी स्वयंस्फूर्त रक्तदान करण्यासाठी उपस्थित राहावे, असे आवाहन लोकमत वृत्तपत्र समूह व जिल्हा सामान्य रूग्णालय यांच्यावतीने करण्यात आले आहे.सकाळी १०.३० वाजता जिल्हा सामान्य रूग्णालयात रक्तदान शिबिराला सुरुवात होईल. रक्तदान करणाऱ्यांना प्रमाणपत्र व डोनर कार्ड देण्यात येणार आहे.गडचिरोली जिल्ह्यात रक्ताची कायम टंचाई भासत असते. त्यामुळे रूग्णांच्या नातेवाईकांना रक्तासाठी नेहमीच पायपीट करावी लागते. ही बाब लक्षात घेऊन लोकमत वृत्तपत्र समूहाकडून दरवर्षी बाबुजींच्या जयंतीला रक्तदान शिबिराचे आयोजन केले जाते.दुसºयाचा जीव वाचविण्यासाठी रक्तदानासारख्या महादानात नागरिकांनी सक्रिय सहभागी होऊन या सत्कार्यात आपले योगदान द्यावे, असे आवाहन लोकमतचे जिल्हा कार्यालय प्रमुख डॉ.गणेश जैन, जिल्हा प्रतिनिधी मनोज ताजने, सखी मंचच्या जिल्हा संयोजिका रश्मी आखाडे, यांनी केले आहे. या कार्यक्रमाला लोकमत सखीमंचच्या सदस्यांनी उपस्थित राहावे, असे आवाहन आयोजकांनी केले आहे.