नवेगाव - फोकुर्डी मार्गावर असलेला पूल धोकादायक

नवेगाव - फोकुर्डी मार्गावर मायनर आहे त्याला ओलांडून जाण्यासाठी ५० वर्षांपूर्वी अरुंद पूल बांधकाम करण्यात आले आहे. या पुलावरून दररोज दुचाकी व अन्य वाहनांची वर्दळ असते. पूल सध्या जीर्णावस्थेत आहे असे असतानाही नागरिक या पुलावरून ये - जा करीत असतात. अनेकदा या पुलावर किरकोळ अपघात सुध्दा होत असतात. पुलाच्या मधोमध मोठा खड्डा पडला आहे. त्यामुळे थोडा जरी पाऊस आला तरी पुलावर २ फूट पाणी साचत असते. या पाण्यातून नागरिक व विद्यार्थी वाट काढत ये - जा करतात. या रस्त्यामुळे जीव धोक्यात घालून ये - जा करावी लागत आहे. त्यामुळे लोकप्रतिनिधी व प्रशासनाने लक्ष देऊन या ठिकाणी उंच व रुंद पुलाची निर्मिती करावी, अशी मागणी होत आहे .