अहेरीत पाकिस्तानचा ध्वज जाळला

मागील काही दिवसांपूर्वी जम्मू कश्मीर च्या ऊरी सेक्टर मधे भारतीय सैन्याच्या कॅम्पवर पाकिस्तानी आतंकवाद्यांनी हल्ला करुन सैन्यातील १८ जवांनाचा जीव घेतला होता.

भारतीय सैन्याचा गौरव : उरी हल्ल्यातील शहिदांना वाहिली श्रध्दांजलीअहेरी : मागील काही दिवसांपूर्वी जम्मू कश्मीर च्या ऊरी सेक्टर मधे भारतीय सैन्याच्या कॅम्पवर पाकिस्तानी आतंकवाद्यांनी हल्ला करुन सैन्यातील १८ जवांनाचा जीव घेतला होता. या घटनेच्या निषेधार्थ अहेरी येथील स्व.श्रीमंत राजे विश्वेश्वरराव महाराज चौकात शहीदांना श्रद्धाजंली कार्यक्रम घेण्यात आला व पाकिस्तानचा निषेध म्हणून पाकिस्तानचा राष्ट्रध्वज गुरूवारी जाळण्यात आला.बुधवारच्या रात्री भारतीय सैन्याने पाकिस्तान व्याप्त कश्मीर मध्ये शिरून सर्जिकल आॅपरेशन करून अनेक आतंकवादी कॅम्प उध्वस्त केले व ४० पेक्षा जास्त आतंकवाद्यांना यमसदनी पाठविले होते. या वेळी भारतीय सैन्याच्या यशाबद्दल गौरव करण्यात आला. भारतीय सेना जिंदाबाद चे नारे देण्यात आले. कार्यक्रमात आझाद गणेश मंडळ, दानशुर गणेश मंडळ,युवाशक्ति गणेश मंडळ,बजरंग दल,श्रीराम जन्मोत्सव समिती,विश्व हिंदू परिषदेचे पदाधिकारी व कार्यकर्ते तसेच ज्येष्ठ नागरीक ,युवा वर्ग सहभागी झाले होते. ४० पेक्षा जास्ती आतंकवाद्यांना यमसदनी पाठविल्या बद्दल भारतीय सैन्याच्या सन्मानार्थ उपस्थित नागरिकांनी फटाके फोडून आनंदोत्सव साजरा केला. (प्रतिनिधी)