कांदाेळीचे सरपंच झुरू मासा मडावी, आदिवासी विविध कार्यकारी संस्थेचे उपसभापती रामा डोबी मडावी, पीयूष काटी तिग्गा, श्रीनिवास बापूरेड्डी बिरमवार, वसंत लहानु दुर्गे, राहिनू चुकुलू कुळीएटी, बाजू दस्सा गावळे, संजय खोब्रागडे आदींनी आविसंमध्ये प्रवेश केला. संघाचे विदर्भ नेते माजी आमदार दीपक आत्राम व जिल्हा परिषदेचे अध्यक्ष अजय कंकडालवार यांच्या मार्गदर्शनाखाली आविसंचे सचिव प्रज्वल नागुलवार व अजय गावळे यांच्या नेतृत्वावर विश्वास ठेवून आपण प्रवेश करत असल्याचे त्यांनी सांगितले.
कंकडालवार यांच्या अहेरी येथील जनसंपर्क कार्यालयात हा कार्यक्रम घेण्यात आला. यावेळी उडेराचे पोलीस पाटील अजय गावळे, उडेराचे सरपंच गणेश चुकुलू गोटा, श्रावण चांदेकर, केशव वणकर, दलसू गावळे, महेश बिरमवार, सुरेंद्र मडावी आदी उपस्थित होते.