गडचिरोली : रणजीतकुमार यांची सोलापूर येथे बदली झाल्यानंतर गडचिरोलीचे नवे जिल्हाधिकारी म्हणून एएसआर रंगा नायक यांची राज्य शासनाने गुरूवारी बदली केली आहे. यापूर्वी रणजीतकुमार यांच्या जागेवर जिल्हाधिकारी म्हणून पालघरचे जिल्हाधिकारी अभिजीत बांगर यांची गडचिरोली येथे बदली करण्यात आली होती. मात्र ते रूजू झाले नाही. शासनाने गुरूवारी पुन्हा राज्यातील आयएएस अधिकाऱ्यांच्या बदल्या केल्या. यात गडचिरोलीचे नवे जिल्हाधिकारी म्हणून रंगा नायक यांना पाठविण्यात आले आहे. रंगा नायक हे जालना येथे जिल्हाधिकारी होते. आठ दिवसांपूर्वी त्यांची बदली जालना येथून वस्त्रोद्योग संचालक नागपूर या पदावर बदली करण्यात आली होती. अभिजीत बांगर येथे रूजू न झाल्याने शासनाने गुरूवारी रंगा नायक यांची गडचिरोलीचे जिल्हाधिकारी म्हणून बदली केली आहे. रंगा नायक हे यापूर्वी नंदुरबार येथे सीईओ होते. (जिल्हा प्रतिनिधी)
रंगा नायक गडचिरोलीचे नवे जिल्हाधिकारी
By admin | Published: May 13, 2016 1:32 AM