दिना नदीत आढळला अनाेळखी इसमाचा मृतदेह

याबाबतची माहिती पाेलिसांना दिल्यानंतर पाेलिसांनी मृतदेहाचा पंचनामा करून ताे अहेरी उपजिल्हा रुग्णालयात ओळख पटविण्यासाठी पाठविला.

गडचिराेली : अहेरी तालुक्यातील महागाव परिसरात दिना नदी पात्रात अनोळखी इसमाचा मृतदेह आढळून आला. ही घटना २९ सप्टेंबर राेजी उघडकीस आली. याबाबतची माहिती पाेलिसांना दिल्यानंतर पाेलिसांनी मृतदेहाचा पंचनामा करून ताे अहेरी उपजिल्हा रुग्णालयात ओळख पटविण्यासाठी पाठविला.आलापल्ली-आष्टी मार्गावरील दिना नदीच्या पुलावरून काही लाेकांना दुपारच्या सुमारास नदीपात्रात काहीतरी तरंगत असल्याचे दिसून आले. काही लाेकांनी याबाबतची खात्री केली. तेव्हा एका अनाेळखी इसमाचा मृतदेह असल्याचे दिसून आले. त्यानंतर याची माहिती अहेरी पाेलिसांना देण्यात आली. मृत व्यक्तीची ओळख पटविण्याचा प्रयत्न पाेलिसांनी केला; परंतु झाला नाही. अहेरी उपजिल्हा रुग्णालयात मृतदेह ओळख पटवण्यासाठी ठेवला असल्याची माहिती पाेलिसांनी दिली.