कारची झाडाला धडक : रामगडनजीकच्या वळणावरील घटना कुरखेडा : कोरची तालुका मुख्यालयावरून रामगडकडे जाणाऱ्या कारची झाडाला धडक बसल्याने कारचालकासह दोघे जण गंभीर जखमी झाल्याची घटना रविवारी दुपारी २ वाजताच्या सुमारास रामगड नजीकच्या वळणावर घडली. कारचालक मंगेश बुध्दीराम सहारे (२६), राजेश रघुनाथ सहारे (२५) दोघेही रा. कोरची हे कामानिमित्त रामगडकडे एमएच ३२ वाय २१४३ क्रमांकाच्या कारने जात होते. दरम्यान चालकाचे वाहनावरील नियंत्रण सुटल्याने रामगड नजीकच्या वळणावर भरधाव कारची रस्त्यालगतच्या झाडाला धडक बसली. यात मंगेश सहारे व राजेश सहारे गंभीर जखमी झाले. या दोघांनाही तत्काळ कुरखेडाच्या उपजिल्हा रूग्णालयात उपचारासाठी दाखल करण्यात आले. प्राथमिक उपचार झाल्यानंतर प्रकृती गंभीर असल्याने या दोन्ही जखमींना गडचिरोलीच्या जिल्हा रूग्णालयात हलविण्यात आले. (तालुका प्रतिनिधी)
अपघातात दोन गंभीर
By admin | Published: March 13, 2017 1:18 AM