मुलचेरा :तालुक्यातील मरपल्लीवरून गिताली गावाकडे येताना दुचाकीची झाडाला जबर धडक बसल्याने दुचाकीवरील दोघे जण गंभीर जखमी झाल्याची घटना मंगळवारी सकाळी १०.४५ वाजताच्या दरम्यान गिताली व मरपल्ली गावादरम्यान घडली. विजय बिरेन सरकार (३५), सुशांत कवीराज (५०) रा. गिताली असे गंभीर जखमी झालेल्या इसमांचे नाव आहे. गिताली येथील विजय सरकार व सुशांत कवीराज हे दोघे जण एमएच ३३ एन ८८१२ या क्रमांकाच्या दुचाकीने आपल्या खासगी कामासाठी मरपल्ली येथे गेले होते. काम आटोपल्यावर गितालीकडे येत असताना दुचाकीची झाडाला धडक बसली. यात दोघेही जण गंभीर जखमी झाले. या दोन्ही जखमींना तत्काळ लगाम येथील प्राथमिक आरोग्य केंद्रात उपचारासाठी दाखल करण्यात आले. त्यानंतर पुढील उपचारासाठी दोन्ही जखमींना चंद्रपूरच्या जिल्हा सामान्य रूग्णालयात हलविण्यात आले आहे. विशेष म्हणजे, विजय सरकार याची प्रकृती चिंताजनक असल्याची माहिती आहे. (तालुका प्रतिनिधी)
दुचाकीची झाडाला धडक, दोघे गंभीर
By admin | Published: October 05, 2016 2:07 AM