दाबोळी विमानतळावर ६५ लाखांचे सोने जप्त

दाबोळी आंतरराष्ट्रीय विमानतळावर सोमवारी सकाळी एअर इंडियाच्या विमानात २.५३२ किलोचे सोन्याचे दागिने व तीन बिस्किटे बेवारस स्थितीत आढळून आली.

ऑनलाइन लोकमत

वास्को, दि. 29 -  दाबोळी आंतरराष्ट्रीय विमानतळावर सोमवारी सकाळी एअर इंडियाच्या विमानात २.५३२ किलोचे सोन्याचे दागिने व तीन बिस्किटे बेवारस स्थितीत आढळून आली. या सोन्याची बाजारभावानुसार किंमत ६५ लाख रुपये आहे. सीमा शुल्क संचालनालयाच्या अधिका-यांनी हे सोने जप्त केले. एअर इंडियाचे (फ्लाईट क्र. एआय-९९४) विमान दाबोळीत उतरल्यानंतर हवाई गुप्तहेर विभागीय अधिका-यांनी या विमानाची तपासणी केली. दरम्यान, या महिन्यात दोन वेगवेगळ्या कारवाईमध्ये सीमा शुल्क अधिका-यांनी सुमारे २२ लाख रुपये किमतीचे परकीय चलनही हस्तगत केल्याची माहिती गोवा विभागीय सीमा शुल्क आयुक्त के. अनपाझाकन यांनी दिली.