पणजी: गोव्यात एका ४ वर्षाच्या चिमुरड्याच्या हत्येप्रकरणी नवी माहिती समोर आली आहे. संशयित सूचना सेठच्या बॅगेतून एक चिठ्ठी जप्त करण्यात आली आहे. यामध्ये तिने लिहिले आहे की, तिचे तिच्या मुलावर खूप प्रेम आहे. ही चिठ्ठी टिश्यू पेपरवर लिहिली आहे. ज्या बॅगेत त्यांनी मुलाचा मृतदेह लपवला होता त्याच बॅगेत त्यांनी ही चिठ्ठी ठेवली होती. पोलिसांनी ही चिठ्ठी जप्त केली असून महत्त्वाचा पुरावा म्हणून न्यायालयात सादर करण्याची तयारी सुरू आहे.
पोलिस अधिकार्‍यांच्या मते, ही चिठ्ठी मुलाच्या हत्येच्या हेतूकडे निर्देश करते. ही चिठ्ठी तिने घाईघाईने आयलायनरने लिहून ठेवली होती. यामध्ये सूचना सेठ यांनी लिहिले आहे की, 'माझ्या मुलाची कस्टडी देण्यासाठी न्यायालय आणि माझे पती माझ्यावर दबाव आणत आहेत. मी आता हे सहन करू शकत नाही. माझा विभक्त पती हिंसक आहे. तो मुलाला वाईट संस्कार शिकवायचा. मला खूप अपराध्यासारखे वाटते, आणि मी निराश आहे. मी माझ्या मुलावर प्रेम करते, पण मला माझ्या मुलाला त्याच्या वडिलांना भेटू द्यायचे नाही.'