शहरं
Join us  
Trending Stories
1
'काँग्रेसचा खरा चेहरा समोर आला', मल्लिकार्जुन खर्गेंच्या 'त्या' वक्तव्यावर PM मोदींचा घणाघात
2
Maharashtra Vidhan Sabha Election 2024: काटेवाडीत पाडवा का साजरा करणार? अजित पवारांनी कारणच सांगितलं, म्हणाले...
3
"बाळासाहेब असते तर थोबाड फोडलं असतं"; अरविंद सावंतांच्या वक्तव्यावर CM शिंदेंची प्रतिक्रिया
4
ऐन दिवाळीत मतदारांपर्यंत पोहचण्यासाठी दोन्ही पवारांची धावाधाव
5
Maharashtra Vidhan Sabha Election 2024 : सांगली विधानसभेत महाविकास आघाडीला धक्का! जयश्री पाटील निवडणूक लढवण्यावर ठाम
6
Maharashtra Election 2024: नाशिक पूर्वमध्ये थेट सामना; अन्य तीन मतदारसंघात तिरंगी, चौरंगी लढत
7
Muhurat Trading : मुहूर्त ट्रेडिंगनंतर तेजीसह बाजार बंद, 'या' १० शेअर्समध्ये जोरदार खरेदी, गुंतवणूकदारांनी कमावले ४ लाख कोटी
8
Mumbai Crime: फटाके फोडण्याच्या वादातून तरुणाची हत्या, मुंबईतील धक्कादायक घटना
9
जरांगेंच्या यादीला ओबीसींची यादी तयार, जो तो उठतोय त्यांनाच भेटायला जातोय; लक्ष्मण हाकेंनी रणशिंग फुंकले
10
किंग कोहलीची 'विराट' चूक; मैदानात थांबण्यापेक्षा चोरटी धाव घेण्याच्या नादात फसला (VIDEO)
11
पोस्टर'वार'! योगी आदित्यनाथ यांच्या 'बटेंगे तो कटेंगे'ला अखिलेश यादवांकडून पलटवार
12
भीषण! पाकिस्तानमध्ये मोठा बॉम्बस्फोट; ५ शाळकरी मुलं आणि एका पोलिसासह ७ जणांचा मृत्यू
13
'लॉरेन्स बिश्नोईने मला लवकर मारावे...', खासदार पप्पू यादव असं का म्हणाले?
14
IND vs NZ, 3rd Test Day 1 Stumps : फलंदाजांमुळे टीम इंडिया अडचणीत; ८६ धावांत गमावल्या ४ विकेट्स
15
"चुकीची चिठ्ठी काढणारा पोपट, आजपर्यंत...!"; शंभूराज देसाई यांचा संजय राऊतांना टोला
16
AUS vs PAK : "ऑस्ट्रेलियात पाकिस्तानने एक सामना जिंकला तर...", अक्रमने आपल्याच संघाची लाज काढली
17
मल्लिकार्जुन खरगेंनी कर्नाटक सरकारवर ताशेरे ओढले,मुख्यमंत्र्यांनी दिले स्पष्टीकरण; नेमकं प्रकरण काय?
18
ऐन सणासुदीच्या-निवडणुकीच्या काळात मावळ हादरले! पवन मावळातील ३० वर्षीय तरुणाची दगडाने ठेचून हत्या
19
Maharashtra Election 2024: दादा भुसे विरुद्ध अद्वय हिरे; दुभंगलेल्या शिवसेनेचे अस्तित्व पणाला
20
Washington Sundar वर का आली सहकाऱ्यांची जर्सी घालून खेळण्याची वेळ? जाणून घ्या त्यामागचं कारण

ग्रा.पं. निवडणुकीसाठी १०२ लालपरींचे ‘बुकिंग’; गोंदिया, तिरोडासह साकोली आगारातून बसेस

By कपिल केकत | Published: December 15, 2022 3:08 PM

परिवहन महामंडळाला लक्ष्मीच पावली; निवडणुकीतून कमाईची संधी

गोंदिया : जिल्ह्यातील ३४८ ग्रामपंचायतींसाठी येत्या रविवारी (दि. १८) निवडणूक घेतली जात आहे. आता निवडणूक म्हटली म्हणजे निवडणूक कर्मचारी व निवडणुकीचे साहित्य ने-आण करण्यासाठी राज्यमार्ग परिवहन महामंडळाच्या लालपरीची गरज पडतेच. त्यानुसार, यंदा प्रशासनाने निवडणुकीसाठी १०२ लालपरींचे ‘बुकिंग’ केले आहे. यामध्ये जिल्ह्यातील गोंदिया व तिरोडा तसेच भंडारा जिल्ह्यातील साकोली आगारातून लालपरींचा पुरवठा केला जाणार आहे.

ऑक्टोबर ते डिसेंबर-२०२२ या कालावधीत कार्यकाळ संपणाऱ्या ग्रामपंचायतींच्या निवडणुका घेतल्या जात असून, यामध्ये जिल्ह्यातील ३४८ ग्रामपंचायतींचा समावेश आहे. सध्या ग्रामपंचायत निवडणूक प्रचाराचा काळ सुरू असून, येत्या रविवारी (दि. १८) मतदान प्रक्रिया घेतली जाणार आहे. यासाठी प्रशासनाकडूनही तयारी सुरू झाली असून, मतदान केंद्रावरील कर्मचाऱ्यांना निवडणूक साहित्यासह ने-आण करावी लागते. यासाठी प्रशासनाकडून नेहमीच राज्यमार्ग परिवहन महामंडळाकडून लालपरीची मागणी केली जाते. त्यानुसार, यंदाही रविवारी होणाऱ्या ग्रामपंचायत निवडणुकांसाठी १०२ लालपरींची ‘बुकिंग’ करण्यात आली आहे.

मागील दोन वर्षे कोरोनामुळे लालपरीची चाके लॉकडाउनमध्ये अडकून पडली होती. त्या काळात महामंडळाला कधी नव्हे तेवढा आर्थिक फटका सहन करावा लागला. कोरोनाच्या दुष्टचक्रातून बाहेर पडते न पडते तोच महामंडळातील कर्मचारी संपावर गेले. सुमारे ६ महिने सुरू असलेल्या संपामुळे दुसऱ्यांदा महामंडळाला आघात सहन करावा लागला. त्यामुळे महामंडळासाठी मागील वर्षातील या दोन घटना अतिशय वेदनादायी ठरल्या. मात्र २०२२ मध्ये हे सर्व विघ्न संपुष्टात आले असून, लालपरीची चाके पुन्हा एकदा प्रवाशांच्या सेवेत फिरू लागली आहेत.

महामंडळासाठी २०२२ आर्थिक लाभाचे

कोरोना व कर्मचारी संप या दोन आघातांचा सामना केल्यानंतर मात्र महामंडळासाठी सन २०२२ हे वर्ष चांगलेच लाभाचे ठरत आहे. या वर्षी महामंडळाचा कारभार सुरळीत सुरू असतानाच दिवाळीत महामंडळाने चांगली कामगिरी करून झालेल्या नुकसानीची भरपाई करून घेतली. त्यात आता राज्यातच ग्रामपंचायतच्या निवडणुका होत असल्याने महामंडळाच्या तिजोरीवर महालक्ष्मीची कृपाच दिसून येत आहे.

असे केले लालपरींचे ‘बुकिंग’

रविवारी होत असलेल्या निवडणुकीसाठी प्रशासनाकडून लालपरींचे ‘बुकिंग’ करण्यात आले आहे. यामध्ये गोंदिया आगारातून गोंदिया तालुक्याला २५, गोरेगाव तालुक्याला ८, आमगाव तालुक्याला १२, तर सालेकसा तालुक्याला १० अशा एकूण ५५ बसेस पुरविल्या जाणार आहेत. तिरोडा आगाराकडून फक्त तिरोडा आगारासाठीच १७ बसेस पुरविल्या जाणार आहेत, तर जिल्ह्यातील देवरी तालुक्याला ८, अर्जुनी-मोरगाव तालुक्याला १२ व सडक-अर्जुनी तालुक्याला १० अशा एकूण ३० बसेस भंडारा जिल्ह्यातील साकोली आगारातून पुरविल्या जाणार आहेत. अशाप्रकारे जिल्ह्याला या तिन्ही आगारांतून एकूण १०२ बसेस पुरविल्या जाणार आहेत.

आगारनिहाय बसेसचा तक्ता

   आगार - बससंख्या- तालुका

  • गोंदिया - ५५ - गोंदिया (२५), गोरेगाव (८), आमगाव (१२), सालेकसा (१०)
  • तिरोडा - १७ - तिरोडा
  • साकोली - ३० - देवरी (८), अर्जुनी-मोरगाव (१२), सडक-अर्जुनी (१०)
टॅग्स :state transportएसटीgram panchayatग्राम पंचायतgondiya-acगोंदिया