बोदरा ग्रामपंचायतच्या वतीने कोरोना योद्धांचा सत्कार ()

ग्रामपंचायतच्या वतीने आयोजित सत्कार समारंभाच्या अध्यक्षस्थानी सरपंच शंकर उईके होते. उपसरपंच गजानन शहारे, योगेश्वर झोळे, सुनील बनकर, ग्रामसेवक विजयकुमार ढोक, सत्कारमूर्ति चान्ना प्राथमिक आरोग्य केंद्राचे वैद्यकीय अधिकारी डॉ. कुंदन कुलसुंगे, आरोग्य सेविका प्रतिभा राऊत, स्वाती लोहारे उपस्थित होते. यावेळी ग्रामपंचायत सदस्य दिनेश चौधरी, सुनिता कांबळे, जयवंता झोळे, रवीना जांभुळकर, देवका खोटेले, मंगला वटी उपस्थित होते.गावात सामूहिक विषबाधा झाल्यावर तसेच कोरोना कालावधीत गावात योग्य तो मार्गदर्शन करुन औषधोपचार केल्याने गाव भयमुक्त करण्यात मोलाचे योगदान केल्याबद्दल डॉ. कुंदन कुलसुंगे, प्रतिभा रातू, स्वाती लोहारे, ग्रामसेवक विजयकुमार ढोक, ग्रामपंचायत कर्मचारी पवन जांभुळकर यांचा सन्मान चिन्ह, प्रशस्तीपत्र देऊन सरपंच शंकर उईके यांच्या हस्ते सत्कार करण्यात आला. संचालन विजय ढोक यांनी केले. प्रास्ताविक भाष्कर कवरे तर आभार पवन जांभुळकर यांनी मानले.