रविप्रसादच्या मारेकऱ्यांना २२ पर्यंत पीसीआर

या प्रकरणात श्याम ऊर्फ पीटी रमेश चाचेरे (३२) रा. पोस्मन चौक सरस्वती शाळेजवळ गोंदिया, शुभम गोपाल चव्हाण ऊर्फ परदेशी (२९) रा. गौशाला वॉर्ड गोंदिया, शाहरुख रज्जाक शेख (२३) रा. मदिना मस्जिदीमागे गौतमनगर गोंदिया व प्रशांत ऊर्फ छोटा कालू मातादीन ज्ञानेश्वर भालेराव (४०) या चौघांवर रामनगर पोलीस ठाण्यात भादंविच्या कलम ३०२,.३४ अन्वये गुन्हा दाखल करण्यात आला आहे. त्यांना अटक करून न्यायालयात हजर करण्यात आले. न्यायालयाने या चारही आरोपींना २२ जानेवारीपर्यंत पोलीस कोठडी सुनावली आहे. या गुन्ह्यात वापरण्यात आलेली स्कॉर्पिओ क्रमांक एमएच १४-वाय ७७७७ वाहन व हत्यार जप्त करण्यात आले आहे. या आरोपींना स्थानिक गुन्हे शाखेच्या पोलिसांनी खर्रा पहाडीजवळून अटक केली आहे. ही कारवाई स्थानिक गुन्हे शाखेचे पोलीस निरीक्षक महेश बनसाेडे, रामनगरचे ठाणेदार प्रमोद घोंगे, पोलीस उपनिरीक्षक तेजेंद्र मेश्राम, अभयसिंह शिंदे, सहाय्यक फौजदार लिलेंद्र बैस, गोपाल कापगते, हवालदार अर्जुन कावळे, राजेंद्र मिश्रा, राजेश बढे, भूवनलाल देशमुख, कृपाण, कोडापे, तुरकर, रियाज शेख, संदीप वंजारी व इतरांनी केली आहे.