रेलटोलीतून सहा धारदार हत्यारे जप्त

रामनगर पोलिसांनी रेलटोली परिसरात सहा धारदार हत्यार (कोयते) घेऊन जाणाऱ्या तरुणांपैकी एकाला अटक केली.

एकास अटक : घातपाताचा डाव उधळला, तीन फरार लोकमत न्यूज नेटवर्क गोंदिया : रामनगर पोलिसांनी रेलटोली परिसरात सहा धारदार हत्यार (कोयते) घेऊन जाणाऱ्या तरुणांपैकी एकाला अटक केली. तर तीन आरोपी फरार झाले. ही कारवाई सोमवारच्या रात्री १०.४५ वाजता शहराच्या रेलटोली परिसरात करण्यात आली. रामनगर पोलीस ठाण्यातील पोलीस हवालदार श्रीराम भोंडे (४५) हे रात्रगस्त घालत असताना त्यांना मोटार सायकल एमएच ३५-व्ही ४७७० व एमएच ३५-आर-४१२४ वर सहा कोयते घेऊन जात असताना चार तरुण दिसले. त्यांनी त्या तरुणांच्या मोटार सायकलला थांबविले. यावेळी त्यांनी दिनेश सदाशिव राऊत (२५) याला पकडले. तर तीन आरोपी फरार झाले. सदर आरोपी जवळून सहा कोयते, दोन मोटारसायकल जप्त केल्या. रामनगर पोलिसांनी सदर आरोपी विरुद्ध भारतीय हत्यार कायदा कलम ४,२५ अन्वये गुन्हा दाखल केला. अटक आरोपी दिनेश राऊत याला विचारणा केली. फरार असलेल्या आरोपींमध्ये राजू दुबे, राजा उर्फ शादाब खान व गुड्डा हे तिघे असल्याचे सांगितले. त्या आरोपींचा शोध पोलीस घेत आहेत. घातपात करण्यासाठी सदर कोयते घेऊन जात असल्याने या प्रकरणाचा छडा लावण्याचा प्रयत्न पोलिसांचा आहे. गोंदियात पुन्हा गँगवार होण्याची शक्यता नाकारता येत नाही. यासाठी पोलिसांना अलर्ट राहण्याची गरज आहे.