निडणुकीत साथ न दिल्याने दिली गेम करण्याची धमकी

.....................

दारूड्याने शिवीगाळ करून दिली ठार करण्याची धमकी

गोंदिया : शहराच्या इंगळे चौकातील आरोपी अजीम अजित शेख (३०) याने ३१ ऑगस्ट रोजी दुपारी १ वाजता मद्यप्राशन करून घरच्यांना शिवीगाळ करीत होता. राजा राहत खान (२८) रा. सिव्हिल लाईन गोंदिया यांनी त्याची समजूत काढण्याचा प्रयत्न केला असता त्यांनाही शिवीगाळ करून ठार करण्याची धमकी दिली. गोंदिया शहर पोलिसांनी भादंविच्या कलम ५०४, ५०६ अन्वये गुन्हा दाखल केला आहे.

..................

दारू विक्रेत्यावर गुन्हा दाखल

गोंदिया : शहर पोलीस ठाण्यांतर्गत येणाऱ्या झोपडी मोहल्ला येथील बलराम हेमराज मोरे (२७) हा मोहफुलाची १० लीटर दारू विक्रीकरिता त्याने साठवून ठेवल्यामुळे ३१ ऑगस्टच्या रात्री ११.२० वाजता त्याच्या जवळून ती दारू जप्त करण्यात आली. ही कारवाई पाेलीस नायक शिपाई प्रमोद चव्हाण यांनी केली आहे. आरोपीवर गोंदिया शहर पोलिसांनी महाराष्ट्र दारूबंदी कायद्यान्वये गुन्हा दाखल केला आहे.

..............

सट्टापट्टी घेणाऱ्यावर गुन्हा दाखल

गोंदिया : शहर पोलीस ठाण्यांतर्गत येणाऱ्या सिंगलटोली येथील आरोपी निखिलेश नंदू भालाधरे (२८) हा ३१ ऑगस्ट रोजी सट्टापट्टी घेत असताना गोंदिया शहर पोलिसांनी त्याला पकडले. त्याच्यावर महाराष्ट्र जुगारबंदी कायदा कलम १२ अ अन्वये गुन्हा दाखल केला आहे.

............

सराफा लाईनमध्ये संशयास्पद स्थितीत एकाला अटक

गोंदिया: शहर पोलीस ठाण्यांतर्गत येणाऱ्या सराफा लाईन येथे १ सप्टेंबरच्या पहाटे २.३० वाजता संशयास्पदस्थितीत हालचाली करणाऱ्या एकाला गोंदिया शहर पोलिसांनी अटक केली आहे. सोनू गोपाल चव्हाण (३१) रा. गौशाला वॉर्ड गोंदिया असे अटक करण्यात आलेल्या आरोपीचे नाव आहे. त्या आरोपीवर गोंदिया शहर पोलिसांनी महाराष्ट्र पोलीस कायदा कलम १२२ (ड) अन्वये गुन्हा दाखल केला आहे.

.....