दोन ट्रकची आपसांत भिडंत

भरधाव वेगात असलेले दोन ट्रक अमोरासमोर भिडल्याने या अपघातात ट्रकमधील दोघे जागीच ठार झाले.

दोघे ठार:देवपायलीतील घटनासडक अर्जुनी : भरधाव वेगात असलेले दोन ट्रक अमोरासमोर भिडल्याने या अपघातात ट्रकमधील दोघे जागीच ठार झाले. ही घटना राष्ट्रीय महामार्ग क्रमांक ६ वरील देवपायली नाल्याजवळ शनिवारी (दि.२०) पहाटे चार वाजताच्या सुमारास घडली. रजनीश रविंद्र टेंभरे (३०,रा.पांडेवाडा, बालाघाट) व योगेंद्र आत्माराम येळे (२२,रा.झालीटोला,बालाघाट) अशी मृतांची नावे आहेत. चालक रजनीश टेंभरे व वाहक योगेंद्र येळे हे ट्रक क्रमांक सीजी ०४/जेए १२२६ मध्ये सळाखी घेऊन रायपूरकडून नागपूरकडे जात होते. यादरम्यान, नागपूरकडून रायपूरक डे कांदा घेऊन जात असलेल्या ट्रक क्रमांक एमएच २१/एबी ७०७७ ने त्यांना देवपायली नाल्याजवळ अमोरासमोर धडक दिली. या अपघातात रजनीश टेंभरे व योगेंद्र येळे हे जागीच ठार झाले. डुग्गीपार पोलिसांनी घटनेची नोंद घेतली आहे. (तालुका प्रतिनिधी)