विधवेचे लैंगिक शोषण करणाऱ्याला ११ पर्यंत पोलीस कोठडी

तो महाराष्ट्राच्या पुणे येथे नोकरीवर आहे. त्याला समर्थ हाऊसिंग सोसायटी, एकता चौक, वाॅर्ड नंबर १२, गणपती मंदिराजवळ, रुपीनगर तळवडे चिखली बुद्रुक, पुणे येथून अटक करण्यात आली. गोंदियातील एका विधवा महिलेसोबत त्याने फेसबुकवर मैत्री केली. तो मध्यप्रदेशचा जरी अला तरी तो पुण्यात नोकरीवर आहे. फेसबुकवरून झालेल्या दोस्तीला नात्यात रूपांतर करण्यासाठी तो गोंदियात आला. त्या विधवेला लग्नाचे आमिष देऊन २७ जुलै २०२० ते १ जून २०२१ या काळात त्याने तिचे लैंगिक शोषण केले. तिच्याकडून १ लाख ९९ हजार रुपये घेतले. गोंदिया शहर पोलिसांनी भादंविच्या कलम ३७६ (२), (एन), ४१७,४२०, ४९३, ४९४ अन्वये गुन्हा दाखल केला. पोलीस कोठडीत त्याच्याकडून सर्वच माहितीचा उलगडा होणार आहे.