फणस खाणं हे अनेकांना आवडतं. लोक वेगवेगळ्या पद्धतीन फणस खातात. फणसाचे आरोग्यालाही अनेक फायदे होतात. पण ते जास्तीत जास्त लोकांना माहीत नसतात. फणस चवीला तर चांगला असतोच सोबतच याचे आरोग्यालाही अनेक फायदे होतात. तेच आज आपण जाणून घेणार आहोत. सोबतच हेही जाणून घेणार आहोत की, फणस खाल्ल्यानंतर काय खाऊ नये.
उन्हाळ्यात जास्तीत जास्त लोक फणसाची भाजी किंवा गोड फणस खातात. याचे अनेक फायदे होत असतील तरी याचे काही नुकसानही असतात. जे सगळ्यांना माहीत असले पाहिजेत. तसेच फणस खाल्ल्यावर आपण काय खाऊ नये हेही माहीत असलं पाहिजे. तेच आज आम्ही सांगणार आहोत.
आयुर्वेद डॉक्टर विलास शिंदे यांनी याबाबत एक व्हिडीओ शेअर केला आहे. ज्यात त्यांनी सांगितलं की, फणसामध्ये कॅल्शिअम, मॅग्नेशिअम भरपूर असतं. ज्यामुळे पचन चांगलं होतं आणि हाडंही मजबूत राहतात. असं असलं तरी फणस खाल्ल्यानंतर पुरण पोळी आणि खायचं पान खावं नाही. असं केलं तर हार्ट अटॅकसारखी समस्या होऊ शकते.
फणसाचे फायदे
- थायरॉईडपासून आराम
फळांमधून शरीराला मिनरल्सचा पुरवठा होतो. फणसामध्ये कॉपर घटक मुबलक प्रमाणात असतात. त्याचा फायदा थायरॉईडचा त्रास आटोक्यात ठेवला जातो. शरीरातील थायरॉईड हार्मोन्स नियंत्रणात ठेवण्यास मदत होते.
- रोगप्रतिकारशक्ती सुधारते
व्हिटॅमिन सी युक्त फळांच्या सेवनामुळे नैसर्गिकरित्या शरीराची रोगप्रतिकारशक्ती सुधारायला मदत होते. फणसामध्ये व्हिटॅमिन सीच्या सोबतच साखरही मुबलक असते. त्यामुळे शरीराची रोगप्रतिकारशक्ती सुधारते.
- रक्तदाब नियंत्रणात राहतो
दिवसभरातील शरीराला आवश्यक पोटॅशियमच्या गरजेपैकी १४% गरज केवळ वाटीभर फणसाच्या गरामधून पूर्ण होते. पोटॅशिअमयुक्त हे फळ रक्तदाब नियंत्रणात ठेवण्यास मदत करतो.
- पचन सुधारते
फणसामध्ये डाएटरी फायबर्स आणि पाण्याचे प्रमाणही मुबलक असते. यामुळे पचनक्रिया सुधारते, बद्धकोष्ठतेचा त्रास कमी होतो. आयुर्वेदानुसार, कच्चा फणस पचनक्रियेचा त्रास असणार्‍यांसाठी पचायला कठीण, त्रासदायक ठरू शकतो.
- कॅन्सरचा धोका कमी होतो
फणसामधील अ‍ॅन्टीऑक्सिडंट घटक फ्री रॅडिकल्सचा धोका कमी करतात. फणसाचा गर चिकट आणि स्टार्ची असल्याने आतड्यांमधील घातक घटक बाहेर काढण्यास, पचनक्रिया सुधाण्यास मदत करतात.
- एनिमिया
फणसामध्ये व्हिटॅमिन ए, सी आणि के यांचं प्रमाण अधिक असतं. सोबतच फॉलिक अ‍ॅसिड, नायसिन, व्हिटॅमिन बी ६ सुध्दा अधिक प्रमाणात आढळतात. तसेच लाल रक्तपेशींना चालना देणारे मॅग्नीज, मॅग्नेशियम, कॉपर घटक यात असल्याने अ‍ॅनिमियाचा त्रास आटोक्यात राहण्यास मदत होते.
- हाडं मजबूत होतात
हाडं मजबूत करण्यासाठी कॅल्शियम आवश्यक असतं. फणसाच्या मूठभर गरामधून शरीराला ५६.१ मिलीग्रॅम कॅल्शियमचा पुरवठा होतो. त्यामुळे ऑस्टोपोरायसिसचा त्रास असणार्‍यांना फणसातून कॅल्शियम मिळते.