Weight Loss Exercise : खाण्या-पिण्याच्या चुकीच्या सवयी आणि बदलत्या लाइफस्टाईलमुळे अलिकडे जास्तीत जास्त लोकांचं वजन वाढत आहे. यात आणखी गंभीर बाब म्हणजे वजन वाढलं तर डायबिटीज, कॅन्सर आणि हृदयाशी संबंधित समस्यांचा सामना करावा लागतो. अशात लोक वजन कमी करण्यासाठी बरीच धडपड करतात. पण हे काम काही सोपं नाही. वजन कमी करण्यासाठी लोकांना खूप मेहनत घ्यावी लागते. आज आम्ही तुम्हाला वजन कमी करण्यासाठीची बेस्ट एक्सरसाइज सांगणार आहोत. याद्वारे तुम्ही जास्तीत जास्त कॅलरी बर्न करू शकता. जेणेकरून तुमचं वजन वेगाने कमी होतं.
एका तासात १ हजार कॅलरी बर्न करणे कोणत्याही स्वप्नापेक्षा कमी नाहीये. अर्थातच एक तास एक्सरसाइज करणे म्हणजे भूक तीन पटीने वाढणे. त्यामुळे जास्त खाल्याने वजन कमी होण्याऐवजी अधिक वाढतं. पण याचा अर्थ वजन कमी करणे अशक्य नाहीये. काही अशा एक्सरसाइज आहेत ज्या माध्यमातून तुम्ही एका तासात कॅलरी बर्न करु शकता.
फिटनेस एक्सपर्टनुसार, तुम्ही अॅरोबिकपासून ते कार्डियासारख्या हाय-इंटेंसिटी इंटरवल ट्रेनिंग करुन एका तासात एक हजार कॅलरी बर्न करु शकता. यासाठी तुम्हाला कमी वेळात हाय-इंटेसिटी एक्सरसाइज करावी लागेल आणि त्यानंतर ३० सेकंदासाठी आराम करावा. त्यानंतर पुन्हा एक्सरसाइज करा. तुम्ही जिम सोडल्यानंतरही याने कॅलरी बर्न करण्यास मदत मिळेल.
रोप जम्पिंग
रोप जम्पिंग हे रनिंगसारखंच आहे. ही एक अशी एक्सरसाइज आहे ज्याने पूर्ण शरीरावप प्रभाव पडतो. या एक्सरसाइजच्या माध्यमातून तुम्हाला एका तासात ७५० ते १०४७ कॅलरी बर्न करण्यास मदत मिळते. ही एक्सरसाइज करताना ही काळजी घ्या की, ही एक्सरसाइज हळूहळू करु नये आणि काही वेळाने ब्रेक घेत रहावा.