Raisins Water Benefits : चुकीची लाइफस्टाईल आणि चुकीच्या खाण्या-पिण्याच्या सवयीमुळे आजकाल लोक वेगवेगळ्या आजारांचे शिकार होत आहेत. नेहमीच तळलेले पदार्थ खाणे, एक्सरसाईज न करणे, प्रमाणापेक्षा जास्त धुम्रपान करणे आणि मद्यसेवन करणे, फास्ट फूड खाणे यांमुळे लिव्हरवर प्रभाव पडतो. जास्त दबाव पडल्याने लिव्हर योग्यप्रकारे शरीरातील विषारी पदार्थ बाहेर काढू शकत नाही.
अशात शरीरातून विषारी पदार्थ बाहेर काढण्यासाठी तुम्ही एका खास ड्रिंकचं सेवन करू शकता. हे खास ड्रिंक तुम्ही मनुक्यांपासून तयार करू शकता. तुम्ही नुसते मनुके खाल्ले तरी तुमच्या अनेक समस्या दूर होऊ शकतात. अशात आज आम्ही तुम्हाला लिव्हर डिटॉक्स करण्यासाठी हे खास ड्रिंक कसं तयार करावं आणि त्याचे काय फायदे आहेत हे सांगणार आहोत.
भरपूर व्हिटॅमिन्स आणि मिनरल्स
मनुक्याच्या पाण्यात भरपूर प्रमाणात व्हिटॅमिन्स आणि मिनरल्स असतात. मनुके एनर्जी असलेलं एक लो फॅट फूड आहे. ज्यात भरपूर प्रमाणात पोटॅशिअम, व्हिटॅमिन्स आणि अ‍ॅंटी-ऑक्सिडेंट्स असतात. हे पाण्यात भिजवले तर याचे फायदे अधिक वाढतात. जर मनुक्याचं पाणी रोज सकाळी अनोशा पोटी सेवन केलं तर याने अनेकप्रकारचे फायदे होतात.
कसं करावं तयार?
हे खास ड्रिंक तयार करण्यासाठी २ कप पाणी घ्या आणि १५० ग्रॅम मनुके घ्या. डार्क रंगाचे १५० ग्रॅम मनुके चांगले धुवून घ्या. २ कप पाणी उकडायला ठेवा आणि त्यात मनुके टाका. २० मिनिटे हे उकडू द्या. आता मनुके रात्रभर याच पाण्यात राहू द्या. सकाळी तुमचं ड्रिंक तयार होईल.
कसं आणि कधी करावं सेवन?
सकाळी अनोशा पोटी नाश्त्याच्या अर्धा तासआधी हे पाणी सेवन करू शकता आणि त्याआधी या पाण्यातील मनुके वेगळे काढा. आता पाणी सेवन करू शकता. तसेच मनुके खाऊ शकता. केवळ ३ दिवस हा उपाय कराल तर लिव्हरमधील विषारी पदार्थ शरीरातून बाहेर काढले जाती. याने लिव्हर पूर्णपणे साफ होईल.
काय आहेत याचे फायदे?
1) मनुक्याच्या पाण्यात असलेले अ‍ॅंटी-ऑक्सिडेंट्सने बॉडी सेल्स हेल्दी होऊन कॅन्सरचा धोका कमी होतो.
2) या पाण्यात अमिनो अ‍ॅसिड असतं जे एनर्जी देतं. याने थकवा आणि कमजोरी दूर होते. तसेच या पाण्यात व्हिटॅमिन ए, बीटा केरोटीन आणि डोळ्यांसाठी फायदेशीर फायटोन्यूट्रिएंट्स असतात. याने नजरेची कमजोरी दूर होते.
3) मनुक्याच्या पाण्याने मेटाबॉलिज्म मजबूत करून फॅट बर्निंग प्रोसेज वाढते. याने वजन कमी करण्यास मदत मिळते. या पाण्यात कॅल्शिअम भरपूर प्रमाणात असतं. याने तुम्हाला हाडे मजबूत करण्यास मदत मिळते.
4) तसेच मनुक्यातील सॉल्युबल फायबर पोटही साफ ठेवून गॅस आणि अ‍ॅसिडिटीपासून आराम देतं.
5) मनुक्याच्या पाण्यात आयर्न, कॉपर आणि बी कॉम्प्लेक्स भरपूर प्रमाणात असतं. याने रक्ताची कमतरता दूर होऊ लाल रक्त पेशी हेल्दी होतात.
कुणी करावं सेवन?
ऑस्टियोपोरोसिसचे रूग्ण
हा आजार शरीरात कॅल्शिअम कमी असल्याने होतो. यात हाडं कमजोर होतात. मनुके खाल्ल्याने कॅल्शिअम आणि बोरोन भरपूर प्रमाणात मिळतं. कॅल्शिअम तुमची नखं, दात इत्यादींसाठी सुद्धा फायदेशीर असतात.
बद्धकोष्ठता असणारे लोक
जर पोट बरोबर साफ होत नसेल तर मुनके खाणं सुरू करा. यात भरपूर फायबर असतं. जे शरीरासाठी रोज महत्वाचं असतं. याने मलत्याग सहजपणे करण्यास मदत मिळते.
सतत थकवा असणाऱ्यांनी
सतत लवकर थकवा येत असलेल्या लोकांसाठी हे ड्राय फ्रूट रामबाण उपायासारखं काम करतं. यात भरपूर नॅचरल शुगर असते आणि कॅलरी असतात. याने तुमचं एंड्यूरेन्स वाढतं.