दुचाकीस्वाराकडून गुटखा जप्त
हिंगोली : शासनाने बंदी घातलेल्या गुटखा विक्री करण्याचे उद्देशाने दुचाकीवरून घेऊन जात असताना एकास पोलिसांनी पकडले. त्यांचेकडून दुचाकी व ८ हजार ९१० रूपये किमतीचा केशरयुक्त पान मसाला व व्ही -१ तंबाखू जप्त केला. ही कारवाई सेनगाव तालुक्यातील बेलखेडा शिवारात १४ ऑगस्ट रोजी दुपारी दीड वाजेच्या सुमारास केली. याप्रकरणी पोना विलास कुटे यांच्या फिर्यादीवरून शेख असद शेख बिबन (रा. पुसेगाव) याच्याविरुद्ध नर्सी ना. पोलीस ठाण्यात गुन्हा नोंद झाला आहे. तपास पोलीस उपनिरीक्षक अशोक कांबळे करीत आहेत.
साडेनऊ हजारांचा गुटखा पकडला
हिंगोली : येथील भारत वॉटर सर्व्हिसिंग सेंटरच्या शेजारी अभिलाष प्रभाकर डांगे यांच्या बंद टिनाच्या शटरमागे एकाकडून पोलिसांनी ९ हजार ८३२ रूपये किमतीचा विविध नाव असलेला गुटखा जप्त केला. ही कारवाई हिंगोली ग्रामीण पोलिसांनी १४ ऑगस्ट रोजी दुपारी सव्वातीनच्या सुमारास केली. याप्रकरणी पोह गजानन पोकळे यांच्या फिर्यादीवरून शेख शारूख शेख रफिक (रा. महादेववाडी) याच्याविरुद्ध हिंगोली ग्रामीण पोलीस ठाण्यात गुन्हा नोंद झाला आहे. तपास प्रशिक्षणार्थी पोलीस उपनिरीक्षक यामावार करीत आहेत.