जवळा बाजारसह परिसरातील ग्रा.पं. निवडणूक हाेणार चुरशीच्या

जवळा बाजार सर्कलमधील केवळ तपोवन एकमेव ग्रामपंचायत बिनविरोध झाली आहे. सध्या ग्रामपंचायत निवडणुकीची सर्वत्र धामधूम जाेरात सुरू आहे. प्रत्येक गावांमध्ये ग्रामपंचायत निवडणुकीसाठी प्रचार व राजकीय समीकरणाची जुळवाजुळव करून लढत अटीतटीच्या हाेण्याची शक्यता आहे. विशेषत: जवळा बाजार येथे दोन पॅनलमध्ये चुरशीची लढत हाेणार असून काही अपक्ष निवडणूक रिंगणात उतरलेले आहेत. यामुळे येथील लढत चांगलीच रंगतदार हाेणार आहे. याशिवाय असोलातर्फे औंढा येथे दोन गटातील चुरस निर्माण झाली आहे. परिसरातील रांजाळा येथील निवडणुकीत दोन गटांमध्ये मोठी चुरस आहे. तसेच राजकीय नेत्याचे गाव असलेल्या आजरसोंडा गावातही दोन पॅनलमध्ये चुरशीच्या लढती हाेणार असल्याने अनेक नेते आपली प्रतिष्ठा पणाला लावत आहेत. तसेच नालेगाव, पोटा शेळके, शिरला, पुरजळ गावांतही निवडणूक चुरशीची हाेणार आहे. त्यामुळे ग्रामीण भागात ग्रामपंचायत निवडणुकीची मोठी धामधूम सुरू आहे. सध्या उमेदवार दारोदार फिरून मतदारांशी संपर्क करीत आहेत. त्यामुळे या परिसरात होणाऱ्या ग्रामपंचायतच्या लढतीमध्ये चांगलीच चुरस निर्माण झाली आहे.