लोकमत न्यूज नेटवर्कहिंगोली : तालुक्यातील माळहिवरा परिसरात झालेल्या ट्रक व दुचाकीचा अपघात झाला. यात दुचाकीस्वार ठार झाला असून एक गंभीर जखमी झाल्याची घटना १ एप्रिल रोजी रात्री ७.३० वाजेच्या सुमारस हिंगोली-वाशिम मुख्य रस्त्यावर घडली.संतोष उकंडी बनसोडे (३२, रा. गणेशपूर जिल्हा वाशिम) असे मयताचे नाव आहे. तर देवराव उकंडी बनसोडे (१७) हा गंभीर जखमी झाला होता. पोलिसांनी दिलेल्या माहितीनुसार ट्रक क्रमांक एमएच-०६-एडी-५९०६ हिंगोली-वाशिम या रस्त्यावर दुचाकीस जोराची धडक दिली. या मार्गाचे पाच ते सहा महिन्यांपुर्वी दुरूस्ती झालेली असली तरीही रस्त्याचा अजून साईड भरणा केला नाही. तसेच रस्त्यावरही अनेक ठिकाणी खड्डे पडलेले असल्याने अपघाताच्या घटना नेहमीच घडतात. या मार्गावर वडदफाटा तर अपघातस्थळ म्हणूनच परिचित झाले आहे. येथे एका वर्षात दहा ते बारा अपघात घडले आहेत.
ट्रकच्या धडकेत एक ठार
By लोकमत न्यूज नेटवर्क | Published: April 03, 2018 12:33 AM