आपलं नातं 'जन-जन का, मन से मन का...'; जाणून घ्या, मतुआ समाजाला संबोधित करताना काय म्हणाले मोदी
By ऑनलाइन लोकमत | Published: March 27, 2021 03:47 PM2021-03-27T15:47:30+5:302021-03-27T15:48:42+5:30
पश्चिम बंगालमध्ये आज पहिल्या टप्प्यातील मतदान होत असतानाच पंतप्रधान मोदींनी मतुआ समाजाच्या मंदिरात पूजा केली. पश्चिम बंगालमध्ये मतुआ समाजाची संख्या जवळपास 2 कोटी एवढी आहे. हा समाज पश्चिम बंगालमधील मतांच्या दृष्टीने अत्यंत महत्वाचा आहे.
आपलं नातं 'जन-जन का, मन से मन का...'; जाणून घ्या, मतुआ समाजाला संबोधित करताना काय म्हणाले मोदी
ढाका - पंतप्रधान नरेंद्र मोदी सध्या दोन दिवसांच्या बांगलादेश दौऱ्यावर आहेत. मोदींनी शनिवारी ओराकांडी येथील मतुआ समाजाच्या मंदिराला भेट दिली. येथे त्यांनी पूजाही केली. ओराकांडी येथे मतुआ समाजाचे संस्थापक हरिशचंद्र ठाकूर यांचा जन्म झाला होता. मोदी म्हणले मी अनेक वर्षांपासून या संधीची वाट पाहत होतो. मी 2015 मध्ये जेव्हा बांगलादेश दौऱ्यावर आलो होतो. तेव्हा मी ओराकांडीला येण्याची इच्छा व्यक्त केली होती. ती इच्छा आज पूर्ण झाली.
मोदी म्हणाले, मला आठवते, की मी पश्चिम बंगालमध्ये ठाकुरनगरमध्ये गेलो होतो. तेथील माझ्या मतुआ भाऊ-बहिणींनी मला कुटुंबातील सदस्याप्रमाणेच प्रेम दिले होते. विशेषतः ‘बॉरो-मां’चा आपलेपणा, आई प्रमाणेच त्यांचा आशीर्वाद, माझ्या आयुष्यातील अत्यंत महत्वाचे क्षण आहेत.
मोदी म्हणाले, मी बांगला देशच्या राष्ट्रीय उत्सवानिमित्त भारतातील आपल्या 130 कोटी भाऊ आणि बहिणींच्या वतीने आपल्यासाठी प्रेम आणि शुभेच्छा आणल्या आहेत. आपल्या सर्वांना बांगलादेशच्या स्वातंत्र्याच्या 50 व्या वर्षानिमित्त खूप-खूप शुभेच्छा. एवढेच नाही, तर दोन्ही देशांत आपले नाते 'जन-जन का, मन से मन का आहे,' असेही मोदी म्हणाले.
मंदिरात पूजा केल्यानंतर मोदींनी येथील मतुआ समाजाला संबोधित केले. एका व्यक्तीशी केलेल्या चर्चेचा हवाला देत मेदी म्हणाले, कुणी विचार तरी केला होता का, की एखादा भारतीय पंतप्रधान येथे येईल आणि मतुआ समाजाच्या मंदिरात पूजा करेल.
म्हणून मतुआ समाज महत्वाचा -
पश्चिम बंगालमध्ये आज पहिल्या टप्प्यातील मतदान होत असतानाच पंतप्रधान मोदींनी मतुआ समाजाच्या मंदिरात पूजा केली. पश्चिम बंगालमध्ये मतुआ समाजाची संख्या जवळपास 2 कोटी एवढी आहे. हा समाज पश्चिम बंगालमधील मतांच्या दृष्टीने अत्यंत महत्वाचा आहे.
जेशोरेश्वरी काली मंदिरात जाऊन दर्शन -
आज पंतप्रधान मोदींनी आपल्या दौऱ्याच्या दुसऱ्या दिवशी ईश्वरीपूर गावातील प्राचीन जेशोरेश्वरी काली मंदिरात जाऊनही दर्शन घेतले आणि पूजा केली. मोदींच्या बांगलादेशातील या मंदिर भेटींकडे राजकीय दृष्टीनेही पाहिले जात आहे.
