रशिया : सध्या सोशल मीडियावर एक फोटो बराच व्हायरल होतोय. या फोटोतली चिमुरडी जगातील सगळ्यात सुंदर लहान मॉडेल असल्याचा दावा नेटिझन्सने केला आहे. निळ्या डोळ्यांची ही चिमुकली सगळ्यांच्याच आकर्षणाचा विषय ठरलीय. अवघ्या 6 वर्षांच्या असलेल्या या लहान मॉडेलचे इन्स्टाग्रामवर फॉलोवर्सही अधिक आहेत.
मिरर युकेने दिलेल्या वृत्तानुसार, रशियात राहणाऱ्या या अवघ्या सहा वर्षांच्या मॉडेलचं नाव आहे अ‍नेस्तिया कोनेजेवा. रशियातील एका कपड्याच्या ब्रॅण्डसाठी तिनं मॉडलिंग केलं होतं. त्यावेळी तिचे काही फोटो काढण्यात आले आणि आता हे फोटो सोशल मीडियावर व्हायरल झाले आहेत. गोरापान चेहरा आणि त्यावर निळे डोळे म्हणजे एखाद्या मॉडेललाही मागे टाकेल असेच या चिमुरडीचे सौंदर्य आहे.
आणखी वाचा - नेलआर्ट जुनं झालं आता आलीये फेसआर्टची फॅशन?
अनास्तियाची आई अ‍ॅना हिने अनास्तिया अवघ्या 4 वर्षांची असतानाच तिचं इन्स्टाग्राम अकाऊंट बनवलं होतं. तेव्हापासून ती अ‍नेस्तियाचे फोटो इन्स्टाग्रामवर टाकते. तिच्या प्रत्येक फोटोला क्षणार्धात हजारोंनी लाईक्स आणि कॉमेंन्टस पडतात. त्यामुळे दिवसेंदिवस तिचे फॉलोव्हर्सही वाढत गेलेत. अवघ्या 6 वयाच्या या चिमुरडीचे आता 8 लाखाहून अधिक फॉलोवर्स आहेत.
रशियातील रुसी ब्रँड चोबी किड्ससाठी ती मॉडेलिंग करते. तसंच त्यांच्या अ‍ॅड कॅम्पेनमध्येही तिने सहभाग घेतला होता. हुबेहुब एखाद्या बाहुलीप्रमाणे दिसणारी ही अ‍नेस्तिया नेटिझन्ससाठी जगातील सगळ्यात सुंदर लहान मॉडेल ठरली आहे. तिचं मनमोहक रुप सगळ्यांनाच आकर्षित करणारं आहे. दिवसेंदिवस तिच्या प्रत्येक फोटोला लाईक्स आणि कॉमेंट्स वाढत जात असल्याचेही सांगण्यात येतय.
एखाद्या अभिनेत्रीलाही मागे पाडेल असं तिचं सौंदर्य आहे, असं काहींनी म्हटलं आहे. तर तिचे डोळेच तिच्या सौंदर्याला अधिक खुलवत असल्याचं काहींनी म्हटलंय. चित्रात दिसणारी खरेच एखादी व्यक्ती आहे की एखाद्या बाहुलीचा फोटो आपण पाहतोय अशी प्रतिक्रियाही काही नेटिझन्सनी दिली आहे. सौंदर्याची व्याख्या द्यायची झाली तर अ‍नेस्तियाचं नाव घेतलं पाहिजे असंही काही म्हणतात. आपल्या सौंदर्यामुळे जगभर किर्तीवंत ठरलेली ही अ‍नेस्तिया आता अनेक मॉडेलिंग आणि अ‍ॅड कॅम्पेनसाठी सज्ज झाली असल्याचे तिच्या आईने सांगितलंय.
जरा हटके बातम्यांसाठी येथे क्लिक करा.