एक कपल रात्री त्यांच्या कारमध्ये बसून रोमान्स करत होतं. तेव्हाच त्यांच्यासोबत असं काही घडलं जे ते आयुष्यभर लक्षात ठेवतील. एका अज्ञात ठिकाणी कार पार्क करून उभे असलेल्या कपलवर काही गुन्हेगारांची नजर पडली. ते कपलच्या पर्स आणि मोबाइलच नाही तर त्यांचे दोघांचे कपडे घेऊनही फरार झाले.
17 ऑगस्टला घडलेली ही घटना ब्राझीलची (Brazil) आहे. या घटनेचं सीसीटीव्ही फुटेज आता सोशल मीडियावर व्हायरल झालं आहे. कपल पांढऱ्या रंगाच्या कारच्या आत रोमान्स करत होतं. तेव्हा चोरांच्या एका ग्रुपने त्यांना घेरलं. त्यांनी कपलचे पैसे आणि त्यांचे कपडे लुटून त्यांना तसंच नग्न अवस्थेत रस्त्यावर सोडलं.
'डेली मेल'च्या रिपोर्टनुसार, ही घटना रात्री साधारण साडे 9 वाजताची आहे. कार एका अज्ञात स्थळी उभी होती. आत एक कपल होतं. तेव्हा चोरांनी त्यांच्यावर हल्ला केला. एका व्यक्तीने जबरदस्ती कारचा दरवाजा उघडला. तर दुसऱ्याने कपलकडून त्यांच्या वस्तू घेतल्या. कपलने त्यांचा विरोध केला तर त्यांना धमकावण्यात आलं.
इतकंच नाही तर चोरांनी कपलला कारमधून बाहेर काढत त्यांची कारही लंपास केली. कपलकडून कार घेतल्यावर त्यांनी त्यांचे कपडे खिडकीतून बाहेर फेकले. ज्यानंतर कपलने लगेच कपडे घातले. पण तरीही काही कपडे कारमध्येच राहिले.
घटनेचं सीसीटीव्ही फुटेज समोर आल्यावर पोलिसांनी अज्ञात लोकांविरोधात गुन्हा दाखल केला आहे. रिपोर्टनुसार, ब्राजीलमध्ये पब्लिक प्लेसवर संबंध ठेवणं बेकायदेशीर आहे. अशात कपलला दंड भरण्यासोबतच तुरूंगवासाची शिक्षाही होऊ शकते.