ऑनलाइन लोकमत -
टोकियो, दि. १७ - ग्लायडरचा अपघात झाल्याने दोघांचा मृत्यू झाल्याची माहिती मिळाली आहे. अपघातग्रस्त ग्लायजर रहिवाशी परिसरातच कोसळले. नरीटा विमानतळाच्या बाजूला असणा-या लोकवस्तीत हे ग्लायडर कोसळले. ग्लायडर घरांवर कोसळल्याने घरांचे नुकसान झाले आहे. सोबतच ग्लायडरसोबत प्रवास करणा-या दोघांचा मृत्यू झाला असल्याची माहिती पोलिसांनी दिली आहे.
ग्लायडरचा एक भाग तुटल्याने हा अपघात झाल्याची प्राथमिक माहिती मिळाली आहे. अपघातामुळे ग्लायडरचे तुकडे झाले आणि घरांच्या छतावरच कोसळले. 69 वर्षीय शुजी यांच्यासोबत एकजण या अपघातात जखमी झाले होते. त्यांना उपचारासाठी रुग्णालयात दाखल करण्यात आले मात्र त्यांचा मृत्यू झाला. नेमका अपघात कसा झाला याचा तपास सुरु आहे.