ऑनलाइन लोकमत
बगदाद, दि.1-इसिस संघटनेतील दहशतवाद्यांनी अनेकांची निर्घृण हत्या केल्याच्या बातम्या आपण वाचल्या आहेत. मात्र, याच संघटनेच्या दोन दहशतवाद्यांना ठार करुन एका महिलेने त्यांचे शीर चक्क शिजवले. इराकची राजधानी बगदादमध्ये ही धक्कादायक घटना घडली आहे. वहिदा मोहम्मद अल-जुलइली,असे या महिलेचे नाव आहे. इसिस संघटनेच्या दहशतवाद्यांनी या महिलेचे दोन पती, तीन भाऊ आणि वडिलांची हत्या केली होती. त्याचा सूड अखेर तिने अशा पद्धतीने घेतल्याचे बोलले जात आहे. तिने दोन दहशतवाद्यांचा खात्मा करुन त्यांचे शीर धडापासून वेगळे केले. त्यानंतर त्यांचे शीर चक्क शिजवले आणि धड जाळले, अशी माहिती तिने स्वतः दिली आहे. दहशतवाद्यांचे धडापासून वेगळे केलेले शीर हातात घेतलेला फोटो तिने सोशल मीडियावर शेअर केला आहे.
आणखी बातम्या :
गेल्या आठवड्यात स्थानिक प्रसिद्धी माध्यमांशी बोलताना, एकटीनेच एकूण 18 दहशतवाद्यांचा खात्मा केल्याचा दावाही तिने केला आहे. वहिदा याठिकाणी उम हनादी नावाने ओळखली जाते. येथील सरकारला इसिसविरोधात लढा देण्यासाठी ती मदत देखील करत आहे. यामुळे वहिदा इसिसच्या निशाण्यावर आहे. इसिसचा ठार झालेला नेता अबू बकर-अल बगदादीनेही तिला जीवेमारण्याची धमकी दिल्याची महिती समोर येते आहे. हत्या करण्याच्या उद्देशानं तिच्यावर आतापर्यंत 6 वेळा हल्ले करण्यात आले आहेत. मात्र इसिसविरोधातील तिचा लढा अजूनही कायम आहे.