Imran Khan on Russia Tour: युक्रेनवर हल्ला! रशियात पोहोचताच इम्रान खान यांचे रागरंगच बदलले; हा Video पहा...
By ऑनलाइन लोकमत | Published: February 24, 2022 01:46 PM2022-02-24T13:46:36+5:302022-02-24T13:49:30+5:30
Imran Khan on Russia Tour viral video: अमेरिकेने आणि रशियानेही युक्रेनवरून निर्माण होणाऱ्या संकटावर पाकिस्तानला कल्पना दिली आहे. तरी देखील इम्रान खान तिथे गेल्याने आश्चर्य व्यक्त होत आहे.
Imran Khan on Russia Tour: युक्रेनवर हल्ला! रशियात पोहोचताच इम्रान खान यांचे रागरंगच बदलले; हा Video पहा...
Next मॉस्को : पाकिस्तानचे पंतप्रधान गेल्या दोन दशकांत पहिल्यांदाच रशियाच्या दौऱ्यावर गेले आहेत. इम्रान खानरशियात पोहोचायला आणि रशियाने युक्रेनसोबत युद्धाची घोषणा करायला एकच वेळ झाली आहे. यामुळे विमानतळावर पोहोचताच खान यांनी रशियाने युक्रेनवर हल्ला सुरु केलाय, मी खूप योग्य वेळी आलो आहे. खूप उत्सूक आहे, अशा आशयाचे वक्तव्य केले आहे. या स्वागताचा व्हिडीओ सोशल मिडीयावर व्हायरल झाला आहे.
युक्रेन आणि रशियामध्ये युद्ध सुरु झाले आहे. अमेरिका आणि मित्रराष्ट्रे रशियावर आक्रमण करण्याच्या पवित्र्यात असताना पाकिस्तानी पंतप्रधान इम्रान खान रशियात जाऊन पोहोचले आहेत. रशियन मंत्र्यांनी त्यांचे विमानतळावर जंगी स्वागत केले. अमेरिकेने खान यांच्या या दौऱ्यावर नाराजी व्यक्त केली आहे. तसेच जबाबदार देश म्हणून रशियाच्या या पावलावर त्यांनी चिंता व्यक्त करावी असे म्हटले आहे. परंतू इम्रान यांचे हे वक्तव्य त्याच्या उलट आहे.
अमेरिकेने आणि रशियानेही युक्रेनवरून निर्माण होणाऱ्या संकटावर पाकिस्तानला कल्पना दिली आहे. तरी देखील इम्रान खान तिथे गेल्याने आश्चर्य व्यक्त होत आहे. अमेरिकेच्या परराष्ट्र मंत्रालयाचे प्रवक्ते नेड प्राइस यांनी बुधवारी पत्रकार परिषदेत ही माहिती दिली. मॉस्कोमध्ये इम्रान खान आणि पुतिन यांच्या भेटीबाबतच्या प्रश्नावर ते म्हणाले की, रशियाने युक्रेनवर नुकत्याच केलेल्या हल्ल्याबाबत आम्ही पाकिस्तानला आमची भूमिका कळवली आहे. युद्धावर मुत्सद्देगिरी पुढे नेण्याच्या आमच्या प्रयत्नांचीही आम्ही त्यांना माहिती दिली आहे.
"What a time I have come, so much excitement", Pakistan PM Imran Khan's first few comments after landing in Moscow, Russia. pic.twitter.com/LLUrSnwYBw
— Sidhant Sibal (@sidhant) February 23, 2022
इम्रान खान काय म्हणाले
इम्रान खान यांचा मॉस्कोच्या विमानतळावर उतरल्यानंतरचा व्हिडीओ व्हायरल झाला आहे. मी किती योग्य वेळी आलो आहे, याची मला खूप उत्सुकता आहे. मी खूपच उत्सुक आहे, असे इम्रान खान म्हणत आहेत. यावेळी इम्रान खान यांच्यासोबत पाकिस्तानी परराष्ट्र मंत्री शाह मेहमूद कुरेशीही आहेत.