सखी सइयां तो खूबई कमात हैं, महंगाई डायन खाये जात है…बॉलीवूडच्या 'पीपली लाइव्ह' या चित्रपटातील हे गाणं चांगलंच प्रसिद्ध झालं होतं. सध्याच्या महागाईच्या फेऱ्यात हे गाण पाकिस्तानसाठी अगदी चपखल बसतंय असं म्हटलं तरी वावगं ठरणार नाही. कर्जात बुडालेल्या पाकिस्तानात महागाईचा बॉम्ब फुटला आहे. महागाईचा कहर इतका वाढला आहे की पाकिस्तानात सर्वसामान्यांच्या किचनमधून पीठ गायब झालं आहे. बिस्किटं, दूध, चिकन खरेदी करणंही आवाक्याबाहेर गेलं आहे.
पाकिस्तानात दररोज महागाई नवे विक्रम प्रस्थापित होत आहेत. पाकिस्तानच्या बंदरांवर माल पोहोचला आहे पण तो वितरीत करण्यासाठी सरकारकडे पैसे नाहीत. येथे दुधाचा दर प्रतिलिटर २१० रुपयांवर पोहोचला आहे. अनेक ठिकाणी यापेक्षा जादा दराने दूध मिळत आहे. तर चहापत्ती २५०० रुपये किलोने विकली जात आहे.
गंभीर आर्थिक संकटात असताना पाकिस्तान IMF कडे झोळी पसरत आहे. जेणेकरून महागाईवर नियंत्रण ठेवता येईल, पण IMF च्या अटी इतक्या कडक झाल्या आहेत की आता पाकिस्तानला कर्ज मिळणं देखील कठीण झालं आहे. दूध, चिकनसह दैनंदिन वापराच्या वस्तूंच्या दरवाढीचा फटका ग्राहकांना बसत आहे. दुधाचे दर प्रतिलिटर १९० रुपयांवरून २१० रुपये प्रति लिटर करण्यात आले आहेत. गेल्या दोन दिवसांत बॉयलर चिकनच्या दरात ३० ते ४० रुपयांनी वाढ झाली आहे. आता त्याची किंमत ४८० ते ५०० रुपये प्रतिकिलो झाली आहे.
पाकिस्तानात महागाईचे सर्व विक्रम मोडीतचिकन आता ७००-७८० रुपये प्रतिकिलो विकले जात आहे जे पूर्वी ६२०-६५० रुपये प्रतिकिलो होते. अहवालात म्हटले आहे की, बोनलेस चिकनची किंमत आता १००० ते ११०० रुपये प्रति किलो इतकी झाली आहे. 'डॉन' या पाकिस्तानी वृत्तपत्रानं दिलेल्या बातमीनुसार, महागाईचा दुधाच्या दरावर विशेष परिणाम होतो. कराची मिल्क रिटेलर्स असोसिएसनच्या माहितीनुसार १००० हून अधिक दुकानदार चढ्या दरानं दूध विकत आहेत. ही प्रत्यक्षात घाऊक विक्रेते/दुग्ध उत्पादक शेतकऱ्यांची दुकाने आहेत.
७०० रुपये किलोने विकलं जातंय चिकनदुग्ध उत्पादक शेतकरी आणि घाऊक विक्रेत्यांनी दुधाचे वाढलेले दर कमी केले नाहीत तर २१० रुपयांऐवजी २२० पाकिस्तानी रुपये प्रतिलिटर होतील. याच अहवालात सिंध पोल्ट्री होलसेलर्स असोसिएशनचे सरचिटणीस कमाल अख्तर सिद्दीकी यांनी सांगितले की, कोंबडीचा दर ६०० रुपये प्रतिकिलो, तर मांसाचा दर ६५० ते ७०० रुपये आहे.