इस्लामाबाद - पाकिस्तानमध्ये एका 14 वर्षाच्या अल्पवयीन तरुणाने कोंबडीसोबत लैंगिक अत्याचार केल्याची धक्कादायक घटना समोर आली आहे. कोंबडीवर लैंगिक अत्याचार करुन, तिची हत्या केल्याच्या आरोपाखाली पोलिसांनी अल्पवयीन तरुणाला ताब्यात घेतलं आहे. स्थानिक प्रसारमाध्यमांनी दिलेल्या वृत्तानुसार, 11 नोव्हेंबर रोजी 14 वर्षीय अल्पवयीन तरुणाने आपल्या गावातील कोंबडीसोबत लैंगिक अत्याचार केल्याचं उघड झालं आहे अशी माहिती पोलिसांनी दिली.
कोंबडीच्या मालकाने पोलीस ठाण्यात तक्रार दाखल केली होती. तरुण कोंबडी आपल्या घरी घेऊन गेला होती अशी माहिती त्यांनी तक्रारीत दिली आहे. त्यांनी दोन साक्षीदारांची नावंही पोलिसांना सांगितली आहेत. कोंबडीची वैद्यकीय तपासणी केल्यानंतर तरुणाला ताब्यात घेण्यात आल्याचं पोलीस अधिकारी सरफराज अंजुम यांनी सांगितलं आहे.
सरफराज अंजुम यांनी दिलेल्या माहितीनुसार, लैंगिक तणावामुळे तरुणाला कोंबडीसोबत हे कृत्य केलं आहे. तरुणाने आपली चूक कबूल केली असल्याचंही ते बोलले आहेत. तरुणाला अनैसर्गिक कृत्य आणि कोंबडीला मारल्याचा आरोपाखाली ताब्यात घेण्यात आलं आहे. मिळालेल्या माहितीनुसार, लवकरच त्याला दंडाधिका-यांसमोर हजर केलं जाणार आहे.