Russia-Ukraine War: मोदींचा पुतिनशी पंगा? संयुक्त राष्ट्रात रशियाचा प्रस्ताव, भारतासह १३ देशांचे समर्थन नाहीच!

Russia-Ukraine War: रशियाने १५ सदस्यीय देशांना संयुक्त राष्ट्र सुरक्षा परिषदेत सादर केलेल्या मसुद्याच्या ठरावावर मतदान करण्याचे आवाहन केले होते.

रशियाचे युक्रेनवरील हल्ले (Russia Ukraine War) सुरूच आहेत. रशिया-युक्रेन युद्धाचा २२ वा दिवस आहे. युक्रेनच्या विविध भागांवर केलेल्या भीषण हल्ल्यांमुळे मोठे नुकसान होत आहे. युक्रेनमधील लाखो रहिवासी देश सोडून इतरत्र स्थलांतरित होत आहेत. अद्यापही रशिया युद्ध थांबवायला तयार नाही. युक्रेनही जोरदार प्रत्युत्तर देत असून, माघार घेण्यास कोणताही देश तयार नाही. यातच आता अमेरिका यात उडी घेण्याच्या तयारीत असल्यामुळे तिसरे महायुद्ध होण्याच्या शक्यता वर्तवल्या जात आहेत. अशातच आता संयुक्त राष्ट्र संघाच्या सुरक्षा परिषदेत रशियाने आणलेल्या प्रस्तावाचे समर्थन भारताने केले नाही. या प्रस्तावावर भारतासह १३ देशांनी मतदान केलेले नाही, अशी माहिती मिळाली आहे. 

युक्रेनमध्ये रशियाच्या हल्ल्यानंतर उद्भवलेल्या मानवतावादी संकटावरील मसुद्याच्या ठरावावर सुरक्षा परिषदेच्या मतदानात भारतासह १३ सदस्य देशांनी भाग घेतला नाही. राजकीय संवाद, वाटाघाटी, मध्यस्थी आणि इतर शांततापूर्ण मार्गांनी रशिया आणि युक्रेन यांच्यात त्वरित शांततापूर्ण तोडगा काढण्याची मागणी या ठरावात करण्यात आली. व्हिटो पॉवरसह स्थायी कौन्सिल सदस्य असलेल्या रशियाने १५ सदस्य राष्ट्रांना संयुक्त राष्ट्र सुरक्षा परिषदेत मसुद्याच्या ठरावावर मतदान करण्याचे आवाहन केले होते. मानवतावादी संकट लक्षात घेता महिला आणि लहान मुलांसह असुरक्षित परिस्थितीत राहणाऱ्या नागरिकांना पूर्ण संरक्षण मिळावे, अशी मागणी करण्यात आली होती. 

चीनचा पाठिंबा, भारतासह १३ देशांचे मतदान नाही

रशिया आणि चीनने ठरावाच्या बाजूने मतदान केले, तर भारतासह १३ देश यामध्ये सहभागी झाला नाही. यापूर्वी दोन वेळा सुरक्षा परिषदेत आणि एकदा रशियाच्या युक्रेनवरील आक्रमणाच्या ठरावावर भारताने आमसभेत भाग घेतला नव्हता. भारताचे परराष्ट्र सचिव हर्षवर्धन श्रृंगला संयुक्त राष्ट्राच्या दौऱ्यावर आहेत. संयुक्त राष्ट्र आणि लीग ऑफ अरब स्टेट्स यांच्यातील सहकार्यावरील बैठकीत त्यांनी सुरक्षा परिषदेला संबोधित केले. युक्रेनवरील रशियन हल्ल्यांबाबत संयुक्त राष्ट्रांच्या बैठकीत महत्त्वाचे निर्णय घेतले जात असताना, श्रृंगला यांचे न्यूयॉर्कमध्ये आगमन झाले आहे. यापूर्वी, UNGA ने 28 फेब्रुवारी रोजी युक्रेनवर रशियाच्या आक्रमकतेवर दुर्मिळ आपत्कालीन सत्र बोलावले होते. भारत आणि इतर ३४ देशांनी या ठरावावर मतदानात भाग घेतला नाही.

दरम्यान, रशियाने आणलेल्या ठरावात युक्रेनवरील आक्रमणाबद्दल कोणतेही उत्तर देण्यात आलेले नाही. सर्व संबंधितांकडून भेदभाव न करता, सर्व संबंधितांकडून भेदभाव न करता, आणि महिला, मुली, पुरुष आणि मुले, वृद्ध व्यक्ती आणि अपंग यांच्या विशेष गरजा लक्षात घेऊन, युक्रेनच्या बाहेरील स्थळांना सुरक्षित आणि बिनदिक्कत प्रवास करण्याची परवानगी देण्याचा हा ठराव आहे. विशेष गरजा लक्षात घेऊन वैयक्तिक, युक्रेन आणि आसपासच्या गरजूंना मानवतावादी मदतीसाठी सुरक्षित आणि विना अडथळा प्रवेश सुलभ करण्यासाठी आवाहन करण्यात आले होते.