Russia-Ukraine War: खिशात मोबाईल ठेवल्याने वाचला युक्रेनियन सैनिकाचा जीव, पाहा VIDEO
By ऑनलाइन लोकमत | Published: April 20, 2022 02:45 PM2022-04-20T14:45:41+5:302022-04-20T14:45:47+5:30
Russia-Ukraine War: व्हायरल व्हिडिओमध्ये युक्रेनियन सैनिक त्याच्या फोनमध्ये अडकलेली गोळी दाखवत आहे.
Russia-Ukraine War: खिशात मोबाईल ठेवल्याने वाचला युक्रेनियन सैनिकाचा जीव, पाहा VIDEO
Next Russia-Ukraine War:रशिया आणि युक्रेन यांच्यात युद्ध सुरू झाल्यापासून युद्धातले अनेक व्हिडिओ सोशल मीडियावर व्हायरल झाले आहेत. आता पुन्हा एकदा युक्रेनच्या सैनिकाचा एक व्हिडिओ इंटरनेटवर मोठ्या प्रमाणात व्हायरल होत आहे. या व्हिडिओत खिशात ठेवलेल्या मोबाईलमुळे त्या सैनिकाचा जीव वाचल्याचे दिसत आहे.
This #Ukrainian soldier is saved by his mobile phone, as he shows the bullet wedged into the rear case of the phone #UkraineRussiaWar#Ukraine#RussiaUkraineWarpic.twitter.com/mzuAhCc0GI
— Globe Sentinel (@GlobeSentinels) April 18, 2022
रशिया आणि युक्रेनमधील युद्धात दोन्ही देशांचे सैनिक शौर्याने आणि धैर्याने लढत आहेत. युक्रेनच्या एका सैनिकावर रशियन सैनिकांनी रणांगणात गोळीबार केला. मात्र 7.62 एमएमची बुलेट खिशात ठेवलेल्या मोबाईलमध्ये अडकली. ज्यामुळे त्याचा जीव वाचला. व्हायरल व्हिडिओमध्ये, युक्रेनियन सैनिक त्याच्या फोनमध्ये अडकलेली गोळी दाखवत आहे.
व्हायरल झालेल्या व्हिडिओमध्ये सैनिक आपल्या सहकारी सैनिकाशी बोलत असताना आनंदाने आपला मोबाईल दाखवताना दिसत आहे. गोळीबाराच्या आवाजात युक्रेनच्या सैनिकांनी हा व्हिडिओ बनवला आहे. हा व्हिडिओ इंटरनेटवर प्रचंड व्हायरल झाला असून, नेटकरी त्यावर विविध कमेंट्स करत आहेत.