चीनला मागे टाकत भारत पुन्हा एकदा जगातील सर्वाधिक लोकसंख्या असलेला देश बनला आहे. UNFPA च्या अहवालानुसार देशाची लोकसंख्या आता 142.86 कोटींवर पोहोचली आहे. तर चीनची लोकसंख्या 142.57 कोटी आहे. दोन्ही देशांच्या लोकसंख्येमध्ये जवळपास 29 लाखांचा फरक आहे. दरम्यान, असे काही देश आहेत, ज्यांची लोकसंख्या 10 लाखांपेक्षा कमी आहे.
कोणत्याही देशाच्या विकासासाठी सर्वात महत्त्वाचा स्त्रोत म्हणजे त्याची लोकसंख्या. अशा परिस्थितीत ज्या देशांची लोकसंख्या कमी आहे, त्यांचा विकास अतिशय संथ गतीने होतो. यामध्ये कोणकोणत्या देशांचा समावेश आहे ते जाणून घेऊया. लोकसंख्या संशोधन अहवालानुसार, जगात असे अनेक देश आहेत ज्यांची लोकसंख्या खूपच कमी आहे. लोकसंख्या संशोधन अहवालासह, आम्ही भविष्यातील अंदाजांसाठी देश आणि जगातील जन्म आणि मृत्यू दरांच्या मागील ट्रेंडचा अभ्यास करतो.
UNFPA च्या अहवालानुसार, डोमिनिका आणि ग्रेनाडाची लोकसंख्या जगात सर्वात कमी आहे. या दोन्ही देशांची लोकसंख्या सुमारे 0.1 मिलियन म्हणजेच 10 लाखांपेक्षा कमी आहे. दरम्यान, डोमिनिका हे कॅरिबियन समुद्रातील एक बेट आहे. जे 29 मैल लांब आणि 16 मैल रुंद आहे. डोमिनिका हे सुंदर पर्वत आणि नैसर्गिक सौंदर्यासाठी प्रसिद्ध आहे. येथे वर्षभर पर्यटकांची गर्दी असते.
याचबरोबर, ग्रेनाडा वेस्ट इंडीज हे कॅरिबियन समुद्रातील दुसरे बेट आहे. त्याची लोकसंख्याही 10 लाखांपेक्षा कमी आहे. या देशाला 'मसाल्यांचे बेट' असेही म्हणतात. कुराकाओची लोकसंख्या सुमारे 0.2 मिलियन आहे. फ्रेंच गुयाना आणि फ्रेंच पॉलिनेशिया हा जगातील तिसरा सर्वात कमी लोकसंख्या असलेला देश आहे. या देशाची लोकसंख्या 0.3 मिलियन आहे.
फ्रेंच गुयाना हा फ्रान्सचा परदेशी भाग आहे. जो दक्षिण अमेरिकेच्या उत्तर किनार्‍यावर आहे. हा 83,534 चौरस किलोमीटर क्षेत्रात पसरलेला आहे. याशिवाय, मकाओ, कोमोरोस आणि फिजीची लोकसंख्याही कमी आहे. या तिन्ही देशांची लोकसंख्याही दहा लाखांपेक्षा कमी आहे. मकाओची लोकसंख्या 0.7 मिलियन आहे. कोमोरोसची लोकसंख्या 0.9 मिलियन आणि फिजीची लोकसंख्या 0.9 मिलियन आहे.