ट्रम्प यांच्यावर जिंदाल यांची टीका

रिपब्लिकनचे आघाडीचे उमेदवार म्हणून डोेनाल्ड ट्रम्प यांचा झालेला उदय पक्षासाठी मृत्यूच्या घंटेसमान वाटत आहे, असे मत भारतीय- अमेरिकी नागरिक आणि ल्युसियानाचे माजी गव्हर्नर

वॉशिंग्टन : रिपब्लिकनचे आघाडीचे उमेदवार म्हणून डोेनाल्ड ट्रम्प यांचा झालेला उदय पक्षासाठी मृत्यूच्या घंटेसमान वाटत आहे, असे मत भारतीय- अमेरिकी नागरिक आणि ल्युसियानाचे माजी गव्हर्नर बॉबी जिंदाल यांनी व्यक्त केले आहे. व्हाईट हाऊसच्या शर्यतीत सहभागी १७ रिपब्लिकन उमेदवारांमध्ये जिंदाल (४४) यांचा समावेश होता. तथापि, पुरेसा पाठिंबा न मिळाल्यामुळे ते स्पर्धेतून बाहेर पडले. जिंदाल बुधवारी ‘एमएसएनबीसी’च्या ‘मीट द प्रेस’ कार्यक्रमात बोलताना म्हणाले की, मतदार चिडलेले आणि निराश आहेत. या नाराजीला काहीअंशी रिपब्लिकन पार्टीही जबाबदार आहे. ट्रम्प यांना ‘वेकअप कॉल’ मानले जायला हवे. जिंदाल हे ट्रम्प यांचे कडवे टीकाकार आहेत.