Ukrainian Pilot Ghost of Kyiv: युक्रेनचा अभिनंदन वर्धमान! कीवच्या आकाशात एकटा घिरट्या घालतोय; रशियाची सहा विमाने पाडली
By ऑनलाइन लोकमत | Published: February 26, 2022 02:04 PM2022-02-26T14:04:25+5:302022-02-26T14:47:07+5:30
Russia-Ukraine War story: युक्रेनचा हिरो, कीवचे भूत युद्ध सुरु झाल्यापासून MiG-29 Fulcrum लढाऊ विमानाचा पायलट युक्रेनच्या आकाशात खुलेआम घिरट्या घालत आहे. रशियाच्या गोटात त्याने खूप नुकसान केले आहे. युक्रेनच्या सैन्याने प्रतिकार कमी केला होता तेव्हा देखील हा पायलट रशियाच्या विमानांना टक्कर देत होता.
Ukrainian Pilot Ghost of Kyiv: युक्रेनचा अभिनंदन वर्धमान! कीवच्या आकाशात एकटा घिरट्या घालतोय; रशियाची सहा विमाने पाडली
Next रशियाने कीवपर्यंत धडक मारलेली आहे. अशावेळी युक्रेनचे सैन्य कीव वाचविण्यासाठी धडपडत असताना त्यांच्यावर हवाई हल्ले करण्यासाठी रशियाची लढाऊ विमाने आकाशात उडत आहेत. या विमानांना युक्रेनच्या एका पायलटने सळो की पळो करून सोडले आहे. युक्रेनच्या आकाशातील या भूताची (Ghost of Kyiv) चर्चा होऊ लागली आहे. युक्रेनचे नागरिक या पायलटला आपला हिरो मानू लागले आहेत.
युद्ध सुरु झाल्यापासून MiG-29 Fulcrum लढाऊ विमानाचा पायलट युक्रेनच्या आकाशात खुलेआम घिरट्या घालत आहे. रशियाच्या गोटात त्याने खूप नुकसान केले आहे. आतापर्यंत या पायलटने रशियाची सहा विमाने पाडली आहेत. युक्रेनच्या सैन्याने प्रतिकार कमी केला होता तेव्हा देखील हा पायलट रशियाच्या विमानांना टक्कर देत होता. गेल्या तीन दिवसांपासून हा पायलट काही वेळ धावपट्टीवर शस्त्रे आणि इंधन लोड करण्यासाठी उतरत आहे. लढाईच्या काळात अशा गोष्टी काल्पनिक वाटतील परंतू प्रत्यक्षात लढाईच्या वेळचा तणाव खूप असतो. त्या काळात शत्रूची १०० विमाने चहूबाजूंनी आक्रमण करत असताना अशाप्रकारचे धाडस दाखविणे आणि चपळाईने त्यांची विमाने नेस्तनाभूत करणे हे खरोखरच साहसाचे आहे.
युक्रेनचे पत्रकार ख्रिस्तोफर मिलर यांनी एक व्हिडीओ ट्विट केला आहे. त्यामध्ये ते म्हणतात, की मी दोन युक्रेनी लढाऊ विमानांना कीवच्या आकाशात लढताना आणि पुन्हा मागे जाताना पाहिले आहे. त्यापैकी एक हा भूत असून शकतो...खरेच भूत असते का सर्वांना जाणून घ्यायचे आहे.
Reports are coming that a Ukrainian pilot has shot down 6 Russian Aircraft today and might have possibly become the first 21st century fighter ace.
— Visegrád 24 🇨🇿🇭🇺🇵🇱🇸🇰 (@visegrad24) February 25, 2022
The pilot, known as “the Ghost of Kyiv” and his MiG-29 were seen in numerous videos from today.
pic.twitter.com/2T7IXIGQAb
दुसऱ्या ट्वीटमध्ये त्यांनी या युक्रेनी भूताने म्हणजेच पायलटने सहा रशियन विमाने पाडली आहेत. हा पायलट आता कीवचे भूत म्हणून ओळखला जात आहे. त्याच्या विमानाचे अनेक व्हिडीओ आज व्हायरल होत आहेत.
#BREAKING
Video of a Ukrainian MiG-29 flying over #Ukraine’s capital, #Kyiv.
Initial reports suggest the Ukrainian Air Force is attempting to intercept Russian fighter jets over Kyiv. pic.twitter.com/od5cdLAzP4— AEROSINT Division PSF (@PSFAERO) February 24, 2022